பதிவு செய்த நாள்
27 செப்2020
11:13
கொடிய நோய்களில் ஒன்று கேன்சர். யாருக்கு வரும், எப்போது வரும், உடலில் எந்த இடத்தில் வரும் என்று வரையறுத்து சொல்ல முடியாத, ஒரு கொடிய நோயாக இருந்து வருகிறது.
தனது குடும்ப உறுப்பினர் ஒருவருக்கு கேன்சர் வந்தவுடன், அவர் பட்ட கஷ்டங்களை பார்த்து தாங்க முடியாமல் அதுபோல், கேன்சர் வந்தவர்களுக்கு உதவ உருவாக்கப்பட்ட, ‘ஸ்டார்ட் அப்’தான் இது. இதை துவங்கியவர், ராஷி ஜெயின்.இவர், இந்த நிறுவனத்தை துவக்கும் முன், ‘பயோகான்’ நிறுவனத்தில் வேலை செய்து வந்தார். நல்ல வேலையை உதறிவிட்டு, மக்களுக்கு உதவ வேண்டும் என்ற எண்ணத்துடன் ஆரம்பிக்கப்பட்ட ‘ஸ்டார்ட் அப்’ இது. இன்று, உலக அளவில், 1,500 கேன்சர் ஸ்பெஷலிஸ்ட்களையும், 500 கேன்சர் மருத்துவமனைகளையும் மற்றும் நோயாளிகளையும் இணைக்கும் ஒரு பாலமாக இருக்கிறது.
ஒரு கேன்சர் நோயாளிக்கு தேவை அன்பு, ஆறுதல், சரியான மருத்துவ சிகிச்சை.அவ்வகையில், நோயின் தீவிரத்தையும், அதற்கான தீர்வையும் எடுத்து கூறும் விதமாக இந்த இணையதளம் இருக்கிறது. உலகமே கொரோனா பயத்தில் இருப்பதால், நோயாளிகள் ‘டெலி கன்சல்டேஷன்’ செய்யும் வசதியும் இருக்கிறது. இதுவரை ஒரு லட்சம் நோயாளிகளுக்கு, ஆலோசனை வழங்கப்பட்டுள்ளது. இணையதள முகவரி www.onco.comஇது போன்றதொரு சேவையை, ‘கோர் டயக்னாஜிஸ்டிக்ஸ்’ என்ற ‘ஸ்டார்ட் அப்’ கம்பெனியும் வழங்குகிறது. இது, 3,000ம் மருத்துவர்களுடனும், 200 மருத்துவமனைகளுடனும் இணைந்து இந்த சேவையை வழங்குகிறது.
குறிப்பாக, குடும்ப வழியாக வரும் கேன்சர் நோயாளிகளுக்கு அதிகம் கவனம் செலுத்துகின்றனர். இணையதளம் https://corediagnostics.in/சந்தேகங்களுக்கு: sethuraman.sathappan@gmail.com, மொபைல் போன் எண்: 98204 – 51259
‘காஸ்மெட்டிக்ஸ்’இனிப்பாக இருக்குமா?
‘காஸ்மெட்டிக்ஸ்’ துறையில், பிரபல நிறுவனங்களுடன் போட்டி போடுவது என்பது எளிதல்ல. ஆனால், ஒரு ‘ஸ்டார்ட் அப்’ கம்பெனி, அவர்களுடன் போட்டி போட்டு, ஐந்து ஆண்டில், ‘இன்ஸ்டாகிராமில்’ ஏறத்தாழ, 6 லட்சம் பேரை பின் தொடர வைத்துள்ளது. இந்தியாவிலுள்ள பல பெரிய ஸ்டோர்களிலும் இவர்களது பொருட்கள் விற்பனைக்கு காட்சிப்படுத்தப்பட்டுள்ளது குறிப்பிடத்தக்கது. அழகு சாதன பொருட்களில் நூற்றுக்கணக்கான வகைகளை அறிமுகம் செய்துள்ளார்கள்.
இணையதளம்: https://in.sugarcosmetics.com/
– சேதுராமன் சாத்தப்பன் –
மேலும் பொது செய்திகள்
|
Advertisement
|
Advertisement
|
Advertisement
|
|
|
|