பதிவு செய்த நாள்
28 செப்2020
23:05
மும்பை:நடப்பு நிதியாண்டில், நாட்டின் மொத்த உள்நாட்டு உற்பத்தி வளர்ச்சி, மைனஸ் 11 சதவீதமாக இருக்கும் என, உள்நாட்டு தர நிர்ணய நிறுவனமான, ‘இக்ரா’ அறிவித்துள்ளது.
இது, இதற்கு முன் கணித்து அறிவித்திருந்ததை விட குறைவாகும்.நடப்பு நிதியாண்டுஇக்ரா நிறுவனம், இதற்கு முன், நாட்டின் வளர்ச்சி நடப்பு நிதியாண்டில், மைனஸ் 9.5 சதவீதமாக இருக்கும் என தெரிவித்திருந்த நிலையில், தற்போது தன் கணிப்பை மாற்றி, மைனஸ் 11 சதவீதம் என அறிவித்துள்ளது.
நடப்பு நிதியாண்டின் முதல் காலாண்டில் வளர்ச்சி விகிதம், மைனஸ் 23.9 சதவீதம் என, வரலாற்றில் இல்லாத வகையிலான சரிவைக் கண்டதை அடுத்து, பல்வேறு நிறுவனங்கள் தங்களுடைய முந்தைய கணிப்பை மாற்றி அறிவித்து வருகின்றன. சில நிறுவனங்கள், நடப்பு நிதியாண்டில் வளர்ச்சி, மைனஸ் 14 சதவீதம் அளவுக்கு இருக்கும் என்று கூட அறிவித்துள்ளன. இருப்பினும், ரிசர்வ் வங்கி தன் கணிப்பை இன்னும் வெளியிடவில்லை.
எந்த மாற்றமும் இல்லை
ஆனாலும், வளர்ச்சி சரிவைக் காணும் என்பதை மட்டும் தெரிவித்து வருகிறது.இக்ரா தன் கணிப்பை மாற்றி அறிவித்திருந்தாலும், நடப்பு நிதியாண்டின் இரண்டாவது காலாண்டில் வளர்ச்சி விகிதம், மைனஸ் 12.4 சதவீதமாக இருக்கும் என்ற தன் முந்தைய கணிப்பில் எந்த மாற்றமும் இல்லை என தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|