புதுடில்லி:நாட்டின் பெட்ரோல் விற்பனை, கடந்த செப்டம்பர் மாதத்தில், 2 சதவீதம் அளவுக்கு அதிகரித்துள்ளது.


கடந்த மார்ச் இறுதியில் ஊரடங்கு அறிவிக்கப்பட்ட பின், முதன்முறையாக பெட்ரோல் விற்பனை அதிகரித்துள்ளது. பெட்ரோல் விற்பனை பழைய நிலைக்கு திரும்பி இருப்பினும், டீசல் விற்பனை இன்னும் திரும்பவில்லை. கடந்த செப்டம்பரில், பெட்ரோல் விற்பனை, கடந்த ஆண்டின் இதே மாதத்துடன் ஒப்பிடும்போது, 2 சதவீதம் அதிகரித்துள்ளது. இதற்கு முந்தைய ஆகஸ்ட் மாத விற்பனையுடன் ஒப்பிடும்போது, 10.5 சதவீதம் அளவுக்கு அதிகரித்துள்ளது.


டீசல் விற்பனையை பொறுத்தவரை, கடந்த ஆண்டு செப்டம்பர் மாத விற்பனையுடன் ஒப்பிடும்போது, 7 சதவீதம் அளவுக்கு சரிவைக் கண்டுஉள்ளது. இருப்பினும், கடந்த ஆகஸ்ட் மாத விற்பனையுடன் ஒப்பிடும்போது, 22 சதவீதம் அளவுக்கு அதிகரித்துள்ளது.கடந்த ஆண்டு செப்டம்பரில், பெட்ரோல் விற்பனை, 21.6 லட்சம் டன்னாக இருந்த நிலையில், கடந்த செப்டம்பரில், 22 லட்சம் டன்னாக அதிகரித்துள்ளது.


கடந்த ஆகஸ்டில் இதுவே, 19 லட்சம் டன்னாக குறைந்திருந்தது.டீசலை பொறுத்தவரை, கடந்தாண்டு செப்டம்பரில், 52 லட்சம் டன்னாக இருந்த நிலையில், கடந்த செப்டம்பரில், 48.4 லட்சம் டன்னாக குறைந்துவிட்டது. கடந்த ஆகஸ்டில் இதுவே, 39.7 லட்சம் டன்னாக, மிகக் குறைவாக இருந்தது.பொருளாதார வளர்ச்சி மீட்சியை நோக்கி திரும்புவதால், எரிபொருள் விற்பனை விற்பனை அதிகரித்து வருவதாக நிபுணர்கள் தெரிவித்துள்ளனர்.

மேலும் கம்மாடிட்டி செய்திகள்

நடப்பு மாதத்தில் ஏற்றுமதி 23.7 சதவீதம் அதிகரிப்பு அக்டோபர் 01,2020

புதுடில்லி : நாட்டின் ஏற்றுமதி, இம்மாதம் 1 – 21ம் தேதி வரையிலான காலத்தில், 23.7 சதவீதம் உயர்ந்துள்ளதாக, மத்திய ... மேலும்

நிதி நிலை முடிவுகள்; அறிவிக்க தயாராகும் எல்.ஐ.சி., அக்டோபர் 01,2020

புதுடில்லி : எல்.ஐ.சி., நிறுவனத்தின் இயக்குனர்கள் குழு, கடந்த மார்ச் மாதத்துடன் முடிவடைந்த நிதியாண்டிற்கான ... மேலும்

புதிய பங்கு வெளியீட்டுக்கு 3 நிறுவனங்களுக்கு அனுமதி அக்டோபர் 01,2020

புதுடில்லி : பங்குச் சந்தை கட்டுப்பாட்டு அமைப்பான ‘செபி’, மூன்று நிறுவனங்களுக்கு, புதிய பங்கு வெளியீட்டுக்கு ... மேலும்

தங்கம் வெள்ளி சந்தை அக்டோபர் 01,2020

தங்கம்1 கி: 4,739.008 கி: 37,912.00வெள்ளி1 கிராம்: 65.401 கிலோ: 65,400.00என்.எஸ்.இ.,16259.3016240.3019.00 (0.12%) இறக்கம் சிவப்புபி.எஸ்.இ.,54318.4754208.53109.94 (0.20%) இறக்கம் ... மேலும்

தங்கம் விலை தொடர்ந்து சரிவதற்கு என்ன காரணம்? அக்டோபர் 01,2020

ஈரோடு–சர்வதேச முதலீட்டாளர்கள், டாலரில் முதலீடு செய்வதாலும், பல நாடுகள் கையிருப்பு தங்கத்தை விற்பனைக்கு ... மேலும்