புதுடில்லி:நடப்பு நிதியாண்டின், இரண்டாவது காலாண்டில், நாட்டின், மொத்த உள்நாட்டு உற்பத்தி வளர்ச்சி, இதற்கு முன் கணித்திருந்ததை விட அதிகரிக்கும் என தெரிவித்துள்ளது, எஸ்.பி.ஐ., ஆய்வறிக்கை.

எஸ்.பி.ஐ., எகோரேப் ஆய்வறிக்கையில் மேலும் தெரிவிக்கப்பட்டுள்ளதாவது:நாட்டின் மொத்த உள்நாட்டு உற்பத்தி வளர்ச்சி, இரண்டாவது காலாண்டில், மைனஸ் 12.5 சதவீதமாக இருக்கும், என கணிக்கப்பட்டிருந்தது. தற்போதைய சாதகமான நிகழ்வுகளை வைத்து பார்க்கும்போது, வளர்ச்சி, மைனஸ் 10.7 சதவீதமாக இருக்கும் என தெரிகிறது.

தயாரிப்புத் துறை, சேவைத் துறை ஆகியவற்றின் செயல்பாடுகள், மற்றும் உலக பொருளாதார நிலை ஆகியவற்றை சார்ந்த, 41 குறிகாட்டிகளை வைத்து இந்த முடிவுக்கு வந்துள்ளோம்.நாட்டின் பொருளாதாரம், கொரோனாவால் பாதிப்புக்குள்ளாகி இருப்பதில் எந்த சந்தேகமும் கிடையாது.இன்னும் அந்த அச்சம் இருக்கிறது.


குறு, சிறு, நடுத்தர நிறுவனங்கள், கொரோனாவால் அதிக பாதிப்புக்கு உள்ளாகி இருக்கின்றன. கார்ப்பரேட் நிறுவனங்களைப் பொறுத்தவரை, காலாண்டு முடிவுகள் நன்றாக இருக்கின்றன. தற்போதைய நிலவரப்படி, செப்டம்பர் மாதத்தில் கொரோனா பாதிப்பு அதிகஅளவில் இருந்துள்ளது. ஐந்தாம் கட்ட தளர்வுகள் மற்றும் பண்டிகை காலம் ஆகியவற்றை அடுத்து, இரண்டாவது அலை வர வாய்ப்பிருக்கிறது.


தடுப்பூசி எவ்வளவு விரைவில் வருகிறதோ, அதைப் பொறுத்தே, நுகர்வோர் நம்பிக்கையும் அதிகரிக்கும். இப்போதைய நிலவரப்படி, மூன்றாவது காலாண்டில் தான், நுகர்வோர் நம்பிக்கை முழுமையாக மீட்சியடையும்.இவ்வாறு தெரிவிக்கப்பட்டுள்ளது.

மேலும் வங்கி மற்றும் நிதி செய்திகள்

உங்கள் முதல் சம்பளத்தில் மேற்கொள்ள வேண்டிய முதலீடுகள் நவம்பர் 20,2020

முதல் சம்பளம் பெறும் போது உண்டாகும் உற்சாகமான மனநிலையில் பெரும்பாலானோர், சேமிப்பு பற்றியோ முதலீடு பற்றியோ ... மேலும்

வாராக் கடன் பிரச்னைகள் தீர்க்கும் முயற்சியில் தீவிரம் நவம்பர் 20,2020

புதுடில்லி:வங்கிகளில் உள்ள வாராக் கடன்களின் முதல் தொகுப்பு, ‘தேசிய சொத்து மறுசீரமைப்பு’ நிறுவனத்தின் வசம் ... மேலும்

வைப்பு நிதி முதலீட்டில் அதிக பலன் பெற வழிகள் நவம்பர் 20,2020

வட்டி விகிதம் உயரத் துவங்கியிருக்கும் சூழலில், வைப்பு நிதி முதலீட்டு உத்தி எப்படி இருக்க வேண்டும் என்பது ... மேலும்

ரிசர்வ் வங்கி நிச்சயம் வட்டியை உயர்த்தும் நவம்பர் 20,2020

புதுடில்லி:ரிசர்வ் வங்கி 8ம் தேதி அன்று, அதன் பணக் கொள்கை கூட்டத்தின் முடிவில், மேலும் 0.4 சதவீதம் அளவுக்கு ... மேலும்

வீடுகள் விலை உயர்வுரிசர்வ் வங்கி அறிக்கை நவம்பர் 20,2020

மும்பை:அகில இந்திய அளவில், வீடுகளின் விலை குறித்த குறியீட்டு எண் ஆன, எச்.பி.ஐ., கடந்த மார்ச் மாதத்துடன் ... மேலும்