புதுடில்லி:வரி சம்பந்தமான பிரச்னையில், வோடபோனுக்கு அடுத்து,‘கெய்ர்ன்’ நிறுவனத்துடனான வழக்கிலும், இந்தியாவுக்கு பெரும் பின்னடைவு ஏற்பட்டுள்ளது.

பிரிட்டனைச் சேர்ந்த எண்ணெய் நிறுவனமான, ‘கெய்ர்ன் எனர்ஜி’ உடனான வழக்கில், இந்தியா, அந்த நிறுவனத்துக்கு, 10 ஆயிரத்து, 360 கோடி ரூபாயை, சேதாரமாக வழங்க வேண்டும் என, சர்வதேச நடுவர் மன்றம் கூறியுள்ளது.

கடந்த, 2006 – 07ம் ஆண்டில், கெய்ர்ன் எனர்ஜி நிறுவனம், ‘கெய்ர்ன் இந்தியா ஹோல்டிங்ஸ்’ நிறுவனத்தின் பங்குகளை, ‘கெய்ர்ன் இந்தியா’ நிறுவனத்துக்கு மாற்றியது. இதனால், கெய்ர்ன் நிறுவனம் மூலதன ஆதாயத்தை அடைந்திருப்பதாகவும், அதற்கு 10 ஆயிரத்து, 247 கோடி ரூபாயை, வரியாகச் செலுத்த வேண்டும் என்றும் வரித் துறை கூறியது.ஆனால், கெய்ர்ன் நிறுவனம், வரி கட்ட மறுத்து விட்டது. இது சம்பந்தமான வழக்கு, இன்னும் டில்லி உயர்நீதி மன்றத்தில் நிலுவையில் உள்ளது.

இந்நிலையில், 2011ல், கெய்ர்ன் எனர்ஜி அதன் பெரும்பான்மையான இந்திய வணிகத்தை, வேதாந்தாவுக்கு விற்றுவிட்டது. ஆனால், 10 சதவீத பங்குகளை விற்பனை செய்ய, வருமான வரித்துறை தடுத்து, அந்த பங்குகளை விற்பனையும் செய்துவிட்டது.இதை அடுத்து, வழக்கு, சர்வதேச நடுவர் மன்றத்துக்கு சென்றது. அங்கு,‘இந்தியாவின் கோரிக்கை செல்லாது; இருதரப்பு முதலீட்டு பாதுகாப்பு ஒப்பந்தத்தை இது மீறுவதாகும்’ என்று தெரிவிக்கப்பட்டுள்ளது.

இதற்கு முன், பிரிட்டனைச் சேர்ந்த, வோடபோன் குழுமம், இந்தியாவுக்கு எதிரான, 22 ஆயிரத்து, 100 கோடி ரூபாய் வரி குறித்த வழக்கில் வெற்றி பெற்றது. இப்போது, கெய்ர்ன் வெற்றி பெற்றுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 23,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 23,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 23,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 23,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 23,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்