புதுடில்லி:மியூச்சுவல் பண்டு திட்டங்களை நிறுத்துவதற்கு முதலீட்டாளர்கள் முன் ஒப்புதல் கட்டாயமாக்கப்படக் கூடாது என்றும்; அது குறித்த முடிவை, நிர்வகிப்பவர்களே மேற்கொள்வது தான் சரியானதாக இருக்கும் என்றும், மியூச்சுவல் பண்டு நிறுவனங்களின் கூட்டமைப்பான, ‘ஆம்பி’ தெரிவித்துள்ளது.

பிராங்ளின் டெம்பிள்டன் நிறுவனம், திடீரென அதன், 6 மியூச்சுவல் பண்டு திட்டங்களை நிறுத்துவதாக அறிவித்தது. இது குறித்து, முதலீட்டாளர்களிடம் எந்த விதமான ஒப்புதலும் கோரப்படவில்லை என குற்றச்சாட்டுகள் எழுந்து, தற்போது, வழக்கு உச்ச நீதிமன்றத்தில் உள்ளது.

இந்நிலையில், நீதிமன்றத்தில் சிறப்பு மனு மூலம், முதலீட்டாளர்களின் முன் ஒப்புதல் தேவையில்லை என, ஆம்பி தெரிவித்துள்ளது.முதலீட்டாளர்கள், நம்பிக்கையின் அடிப்படையில் மியூச்சுவல் பண்டுகளில் தங்களது பணத்தை முதலீடு செய்கிறார்கள்.

உத்தரவாதமான வருமானம் இல்லாமலும்; சந்தை ஆபத்துக்களுக்கு உட்பட்டதுமாக முதலீடுகள் இருக்கும் நிலையில், அவற்றை நிர்வகிப்பவர்கள் எடுக்கும் முடிவே சரியானதாக இருக்கும் என்று ‘ஆம்பி’ தெரிவித்து உள்ளது.

அதிலும், கொரோனா போன்ற எதிர்பாராத கட்டங்களில் முதலீட்டாளர்களின் நலனை காக்கும் வகையில் முடிவு எடுப்பது, மற்றவர்களுக்கு கடினமானதாக இருக்கும் என்றும் தெரிவித்துள்ளது.

இதற்கிடையே, உச்ச நீதிமன்றம் இத்திட்டங்களை நிறுத்துவது குறித்து, முதலீட்டாளர் களிடம் வாக்கெடுப்பு நடத்தி, அதை தங்களிடம் வழங்க வேண்டும் என உத்தரவிட்டு இருந்தது.இதனையடுத்து, வாக்கெடுப்பு நடைபெற்று, நீதிமன்றத்திடம் ஒப்படைக்கப்பட்டு உள்ளது. நாளை மீண்டும் விசாரணை துவங்குகிறது.

மேலும் பங்கு வர்த்தகம் செய்திகள்

‘ஹிந்துஸ்தான் ஜிங்க்’ பங்குகள்அனைத்தையும் அரசு விற்கிறது ஜனவரி 16,2021

புதுடில்லி,-–‘ஹிந்துஸ்தான் ஜிங்க்’ நிறுவனத்தின் அனைத்து பங்குகளையும் விற்க, மத்திய அரசு முடிவு ... மேலும்

8 சதவீத சரிவுடன் பங்குச்சந்தைகளில் பட்டியலானது எல்.ஐ.சி., பங்குகள்! ஜனவரி 16,2021

மும்பை: மும்பை மற்றும் தேசிய பங்குச் சந்தைகளில் இன்று பட்டியலிடப்பட்ட எல்.ஐ.சி.,யின் பங்குகள் தொடக்கத்தில் 8 ... மேலும்

இன்று பட்டியலிடப்படும் எல்.ஐ.சி., பங்குகள்; மிகுந்த எதிர்பார்ப்பில் புதிய ... ஜனவரி 16,2021

புதுடில்லி : பொதுத் துறையைச் சேர்ந்த ஆயுள் காப்பீட்டு நிறுவனமான எல்.ஐ.சி., அதன் பங்குகளை இன்று பங்குச் ... மேலும்

எல்.ஐ.சி., பங்குகள் 'லிஸ்டிங்' பலன் எப்படி இருக்கும்? ஜனவரி 16,2021

எல்.ஐ.சி., பங்குகள் பட்டியலிடப்படும் போது அதன் செயல்பாடு எப்படி இருக்கும் என்பது தொடர்பான எதிர்பார்ப்பு ... மேலும்

‘இதாஸ்’ பங்கு வெளியீடு 18ம் தேதி துவங்குகிறது ஜனவரி 16,2021

புதுடில்லி:ஆடம்பர வாட்சுகள் விற்பனையில் ஈடுபட்டு உள்ள ‘இதாஸ்’ நிறுவனத்தின் புதிய பங்கு வெளியீடு, 18ம் ... மேலும்