புதுடில்லி:இந்தியாவின் மிகப்பெரிய எண்ணெய் நிறுவனமான, ஐ.ஓ.சி., எனும், இந்தியன் ஆயில் கார்ப்பரேஷன் நிறுவனம், நாட்டின் முதல், ‘பசுமை ஹைட்ரஜன்’ ஆலையை, அதன் மதுரா சுத்திகரிப்பு நிலையத்தில் அமைக்கிறது.

புதை படிவ எரிபொருட்களுக்கு பதிலாக, புதுப்பிக்கத்தக்க ஆற்றலைப் பயன்படுத்தி உருவாக்கப்படும் ஹைட்ரஜன் எரிபொருள், ‘பசுமை ஹைட்ரஜன்’ என அழைக்கப் படுகிறது. எண்ணெய் மற்றும் துாய்மையான எரிசக்தி ஆகியவற்றுக்கான தேவை அதிகரித்து வருவதை அடுத்து, எதிர்கால நோக்கில் இந்த ஆலை அமைக்கப்பட உள்ளது.

இது குறித்து இந்நிறுவனத்தின் தலைவர் ஸ்ரீகாந்த் மாதவ் வைத்யா கூறியதாவது:இது, நாட்டின் முதல் பசுமை ஹைட்ரஜன் ஆலையாக இருக்கும். எதிர்கால எரிபொருள் தேவையில் ஹைட்ரஜனின் பங்கு அதிகரிக்கும்.எதிர்காலத்தின் எரிபொருளாக ஹைட்ரஜன் இருக்கும் எனக் கருதுகிறோம். ஐ.ஓ.சி., நிறுவனம் மேலும் பல ஹைட்ரஜன் உற்பத்தி ஆலைகளை அமைக்க இருக்கிறது.
இது ஒருபுறமிருக்க, எங்களுடைய தற்போதைய சுத்திகரிப்பு திறனை, 2.5 கோடி டன் அளவுக்கு கூடுதலாக அதிகரிக்க உள்ளோம். சி.பி.சி.எல்., நிறுவனத்துடன் சேர்ந்து, தற்போது 8.05 கோடி டன் அளவுக்கு சுத்திகரித்து வருகிறோம்.இவ்வாறு அவர் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 20,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 20,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 20,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 20,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 20,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்