புதுடில்லி:‘வோடபோன் ஐடியா’ நிறுவனம் சம்பந்தமாக, அடுத்து எந்தவிதமான நடவடிக்கைகளை மேற்கொள்வது என்பது குறித்து, கடன் கொடுத்த வங்கிகள் விரைவில் கூடிப் பேச உள்ளன.

இது குறித்து வங்கி உயரதிகாரி ஒருவர் கூறியதாவது:வோடபோன் ஐடியா நிறுவனத்தின் வசம் இருக்கும் தன் பங்குகளை, அரசிடமோ அல்லது அரசு கைகாட்டும் வேறு நிறுவனத்திடமோ கொடுத்துவிட தயாராக இருப்பதாக, அண்மையில் ‘ஆதித்ய பிர்லா’ குழுமத்தின் தலைவரான குமார் மங்கலம் பிர்லா தெரிவித்திருந்தார். இவர் வசம் 27 சதவீத பங்குகள் உள்ளன.

மேலும் கடந்த புதனன்று, வோடபோன் ஐடியாவின் செயல் சாரா இயக்குனர் மற்றும் தலைவர் பதவியிலிருந்தும் விலகுவதாக பிர்லா தெரிவித்து உள்ளார்.இப்படி கடந்த சில நாட்களாக நடந்து வரும் நிகழ்ச்சிகள், கடன் வழங்கிய வங்கிகளுக்கு கவலை தருவதாக அமைந்துஉள்ளன. எனவே, நிலைமை குறித்து கடன் வழங்கிய வங்கிகள் கூடி, கலந்து பேச திட்டமிடப்பட்டுள்ளது.

வோடபோன் ஐடியாவை பொறுத்தவரை, அதன் குத்தகை பொறுப்புகளை தவிர்த்து பார்த்தால், நிறுவனத்தின் மொத்த கடன், கடந்த ஜூன் மாத இறுதி நிலவரப்படி, 1.80 லட்சம் கோடி ரூபாயாக உள்ளது.இவ்வாறு அவர் கூறினார்.இதற்கிடையே, வோடபோன் ஐடியா நிறுவனத்தின் பங்குகள் விலை கடுமையான சரிவை கண்டுள்ளது. நேற்றைய வர்த்தகத்தில், மும்பை பங்குச் சந்தையில் இந்நிறுவன பங்கின் விலை- 1.49 சதவீதம் சரிந்து, 5.94 ரூபாயாக உள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 05,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 05,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 05,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 05,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 05,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்