மும்பை, : எல்.ஐ.சி., நிறுவன பங்குகள், சந்தையில் நேற்று பட்டியலிடப்பட்ட நிலையில், அதன் விலை எதிர்பார்த்ததற்கு மாறாக, 8 சதவீத தள்ளுபடியில் அறிமுகம் ஆனது.நாட்டின் மிகப் பெரிய பொதுத்துறை ஆயுள் காப்பீட்டு நிறுவனமான எல்.ஐ.சி., 21 ஆயிரம் கோடி ரூபாய் நிதி திரட்டும் வகையில், புதிய பங்கு வெளியீட்டுக்கு வந்தது.இந்த பங்கு வெளியீட்டுக்கு, முதலீட்டாளர்களிடம் சிறப்பான வரவேற்பு கிடைத்தது.



மூன்று மடங்கு விண்ணப்பங்கள் முதலீட்டாளர்களிடமிருந்து வரப்பெற்றன.இதையடுத்து, இந்நிறுவன பங்குகள் நேற்று இந்திய பங்குச் சந்தைகளில் பட்டியலிடப்பட்டன. மத்திய அரசு பங்கின் வெளியீட்டு விலையை 949 ரூபாயாக நிர்ணயித்து அறிவித்திருந்தது.ஆனால், வர்த்தகத்தில் பங்குகள் விலை சரிவை சந்தித்தன.இந்நிறுவன பங்கின் வெளியீட்டு விலை 949 ரூபாயாக இருந்த நிலையில், நேற்று மும்பை பங்குச் சந்தையில் ஒரு பங்கின் விலை 872 ரூபாயாகவும், தேசிய பங்குச் சந்தையில் 867.20 ரூபாயாகவும் குறைந்துவிட்டது.


பங்குச் சந்தைகள் நேற்று ஏற்றம் கண்டபோதிலும், எல்.ஐ.சி., பங்குகள் தள்ளுபடி விலையில் வர்த்தகமாகின.இது குறித்து, முதலீடு மற்றும் பொதுச் சொத்து நிர்வாகத் துறை செயலர் துஹின் காந்த பாண்டே கூறியதாவது:கணிக்க முடியாத பங்குச் சந்தைகளின் சூழல், எல்.ஐ.சி., நிறுவன பங்குகள் பலகீனமான நிலையில் அறிமுகம் ஆக காரணம் ஆகிவிட்டது. முதலீட்டாளர்கள் நீண்டகால லாபத்துக்காக பங்குகளை விற்காமல் வைத்திருக்க வேண்டும். இவ்வாறு அவர் கூறினார்.பங்குச் சந்தை நிபுணர்களும், எல்.ஐ.சி., நிறுவன பங்குகள், நீண்டகாலத்தில் நல்ல லாபம் தரக்கூடும் என்பதால், அதை, முதலீட்டாளர்கள் தங்கள் வசமே வைத்திருப்பது நலம் பயக்கும் என தெரிவித்துள்ளனர்.எல்.ஐ.சி., பங்குகள் விலை நிச்சயம் அதிகரிக்கும். இன்னும் நிறைய முதலீட்டாளர்கள், குறிப்பாக பங்கு வெளியீட்டின்போது வாய்ப்பை தவற விட்ட பாலிசிதாரர்கள், இப்பங்குகளை நிச்சயம் வாங்குவர்.
எம்.ஆர்.குமார்,தலைவர், எல்.ஐ.சி.,

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 18,2022

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 18,2022

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 18,2022

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 18,2022

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 18,2022

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்