பதிவு செய்த நாள்
17 மார்2011
13:25
ஐதராபாத்: 2010ம் ஆண்டு 130 சதவீதம் கார்களை விற்பனை செய்த வால்வோ ஆட்டோ இந்தியா நிறுவனம் நடப்பாண்டில் 500 சதவீதம் கார்களை விற்பனை செய்ய இலக்கு நிர்ணயித்துள்ளது. இந்திய சந்தைகளில் சொகுசு கார்களை தயாரித்து விற்பனை செய்து வரும் வால்வோ ஆட்டோ நிறுவனம் தனது விற்பனை சதவீதத்தை நூற்று கணக்கில் அதிகரிக்க தீர்மானித்திருப்பதாக வால்வோ ஆட்டோ இந்தியா நிறுவனத்தின் மேனேஜிங் டைரக்டர் பால் டி வோஜிஸ் தெரிவித்துள்ளார். வால்வோ எஸ்60 என்ற புதிய ரக சொகுசு காரை ஐதராபாத்தில் அறிமுகம் செய்து வைத்த அவர் இதனை தெரிவித்துள்ளார். தற்போது வாடிக்கையாளர்கள் எண்ணிக்கையும் பெருமளவில் அதிகரித்து வருவதாகவும் அவர் தெரிவித்துள்ளார். மேலும் தங்களது டீலர்கள் தொடர்பை பெங்களூரு, சென்னை, கோல்கத்தா, ஜெய்பூர், ஆமதாபாத் உள்ளிட்ட 5 பெருநகரங்களில் விரிவுபடுத்தவும் திட்டமிட்டிருப்பதாக கூறியுள்ளார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|