பதிவு செய்த நாள்
02 ஏப்2011
09:15
பெங்களூரு : சர்வதேச அளவில், பிரவுசர்கள் மார்க்கெட்டின் பெரும்பகுதியை ஆக்கிரமித்துள்ள மைக்ரோசாப்ட் நிறுவனம், இந்தியாவின் முன்னணி இணையதளங்களுடன் கைகோர்த்துள்ளதாக தெரிவித்துள்ளது. இதுதொடர்பாக, மைக்ரோசாப்ட் இந்தியா நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது, தங்கள் நிறுவனம், சர்வதேச அளவில் 200க்கும் மேற்பட்ட முன்னணி இணையதளங்களுடன் கைகோர்த்துள்ளது. இந்தியாவில் பயர்பாக்ஸ் பிரவுசர் ஆக்கிரமித்துள்ள நிலையில், அதற்குப் போட்டியாக தாங்கள் இண்டர்நெட் எக்ஸ்புளோரர் 9ஐ வெளியிட்டுள்ளோம். இண்டர்நெட் எக்ஸ்புளோரர் 9, மக்கள் பயன்படுத்துவதற்கு எளிதாகவும், பல முக்கிய சிறப்பம்சங்களை உள்ளடக்கியதாக வடிவமைக்கப்பட்டுள்ளது. இதோடு தாங்கள் நி்னறுவிடாமல், இந்தியாவின் முன்னணியான இணையதளங்களான ஸ்னாப்டீல், பிலிப்கார்ட், புக்மைஷோ, போட்டோவால்ட், ஈஎஸ்பிஎன்கிரிக்இன்போ, கோடக் பேங்க், நாக்ரி, ரெடீப்சாங்பஜ், ரிலையன்ஸ் குளோபல்கால், புரோஜன்பிரேம்ஸ்.காம், சிபி, ஜபாக் கேம்ஸ் உள்ளிட்ட 29 இணையதளங்களோடு கைகோர்த்துள்ளோம். தற்போது தாங்கள் அறிமுகப்படுத்தியுள்ள இண்டர்நெட் எக்ஸ்புளோரர், பிரவுசர் பயன்பாட்டில் சர்வதேச அளவில் 45 சதவீத இடத்தை பிடிக்கும் என்றும், இந்த பிரவுசரை பிரபலப்படுத்தும் நடவடிக்கைகளில் தாங்கள் ஈடுபட்டுள்ளதாக அதில் மேலும் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|