புதுடில்லி: நாட்டின் அடிப்படை கட்டமைப்பு துறைகளில், முக்கிய ஆறு பிரிவுகளின் உற்பத்தி வளர்ச்சி, சென்ற மார்ச் மாதம் 7.4 சதவீதம் உயர்ந்துள்ளது. இது, கடந்த 2010ம் ஆண்டு, மார்ச் மாதத்தில் 6.8 சதவீதம் என்ற அளவில் இருந்தது.நாட்டின் தொழில் துறை உற்பத்தி குறியீட்டு எண் கணக்கிட உதவும், முக்கிய துறைகளுள், அடிப்படை கட்டமைப்பு துறைகளின் பங்களிப்பு, 26.7 சதவீதமாக உள்ளது. சென்ற 2010-11ம் நிதியாண்டில், அடிப்படை கட்டமைப்பு துறைகளின் வளர்ச்சி, 5.9 சதவீதம் என்ற அளவில் இருந்தது. இது, இதற்கு முந்தைய 2009-10ம் நிதியாண்டில், 5.5 சதவீதம் என்ற அளவில் இருந்தது.தற்காலிக புள்ளி விவரத்தின்படி, சென்ற மார்ச் மாதத்தில், கச்சா எண்ணெய் உற்பத்தி 12.1 சதவீதம் என்ற அளவில் மிகவும் அதிகரித்திருந்தது. அதே சமயம், சென்ற ஆண்டின் இதே மாதத்தில், இப்பிரிவின் வளர்ச்சி 3.5 சதவீதம் என்ற அளவில் இருந்தது.பெட்ரோலிய சுத்திகரிப்பு துறையின் வளர்ச்சி, 8.5 சதவீதம் என்ற அளவில் உயர்ந்து காணப்பட்டது. இது, சென்ற ஆண்டின் இதே மாதத்தில், 1.1 என்ற அளவில் மிகவும் குறைவாக இருந்தது. இந்நிலையில், சென்ற மார்ச் மாதத்தில் மின்சாரம், சிமென்ட் போன்றவற்றின் உற்பத்தி வளர்ச்சி முறையே, 7.6 சதவீதம் மற்றும் 6.5 சதவீதம் என்ற அளவில் குறைந்திருந்தது. அதே சமயம் சென்ற ஆண்டின் இதே மாதத்தில், இத்துறைகளின் வளர்ச்சி முறையே, 7.9 சதவீதம் மற்றும் 7.8 சதவீதம் என்ற அளவில் உயர்ந்து காணப்பட்டது.சென்ற மார்ச் மாதத்தில், விற்பனைக்கான உருக்கு பொருள்கள் துறையின் உற்பத்தி வளர்ச்சி, 7.7 சதவீதம் என்ற அளவிலிருந்து, 9.9 சதவீதம் என்ற அளவில் உயர்ந்திருந்தது. ஆனால், நிலக்கரி உற்பத்தி, சென்ற மார்ச் மாதத்தில், 1.2 சதவீதம் என்ற அளவில் மிகவும் சரிவடைந்திருந்தது. இது, சென்ற ஆண்டின், இதே மாதத்தில், 8 சதவீதம் என்ற அளவில் உயர்ந்து காணப்பட்டது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 03,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 03,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 03,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 03,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 03,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்