டாடா மோட்டார்ஸ் நிறுவனம், உலகின் மிக விலை குறைந்த கார் எனக் கூறி, நானோ காரை அறிமுகப்படுத்தியது. முன்பதிவு செய்தவர்களுக்கு, டெலிவரி செய்த பிறகு, நானோ கார் விற்பனையில் தொய்வு ஏற்பட்டது. பல்வேறு சலுகைகளை அறிவித்த பிறகு, தற்போது நானோ கார் விற்பனை மாதத்துக்கு 10 ஆயிரம் கார்கள் என்ற அளவுக்கு உயர்ந்துள்ளது. இந்த சூழ்நிலையில், டீஸலில் இயங்கும் நானோ காரை, டாடா மோட்டார்ஸ் நிறுவனம் இந்த ஆண்டு இறுதியில் அறிமுகப்படுத்த உள்ளது. இந்த காருக்கு இப்போதே ஏகப்பட்ட வரவேற்பு காணப்படுகிறது. இதற்கு முக்கிய காரணம், டீஸலில் இயங்குவது என்பது மட்டுமல், அதிக மைலேஜ் தரும் என்ற நம்பிக்கையும் தான். இந்த சூழ்நிலையில், போஸ்ச் இந்தியா நிறுவனத்தின் மூத்த நிர்வாகி ஒருவர், நானோ டீஸல் கார் குறித்த புதிய தகவல்களை தெரிவித்துள்ளார். அவர் கூறுகையில்,' டாடா மோட்டார்ஸ் நிறுவனத்தின் பெட்ரோலில் இயங்கும் நானோ கார் உற்பத்தியில் எங்கள் பங்களிப்பும் உண்டு. தற்போது டீஸல் காரை உருவாக்குவதிலும் இணைந்து பணியாற்றி வருகிறோம். இந்த காரில் இரண்டு சிலிண்டர், 700 சிசி திறன் கொண்ட இன்ஜின் பொருத்தப்பட்டுள்ளது. டீஸலை அதிகம் செலவழிக்காமல், அதிக சக்தியை வழங்கும் இன்ஜின் இது. இந்த கார் எவ்வளவு மைலேஜ் தரும் என்பது இன்னும் அதிகாரப்பூர்வமாக அறிவிக்கப்படவில்லை. எனினும், ஒரு லிட்டர் டீஸலுக்கு 40 கி.மீ., மைலேஜ் தரும் என்ற நம்பிக்கை உள்ளது' என்றார். இது மட்டும் உண்மையாக இருந்தால், நானோ டீஸல் காரில் செல்லும் போது ஒரு கி.மீ., துõரத்துக்கு ஒரு ரூபாய் மட்டுமே செலவாகும் என்பது குறிப்பிடத்தக்கது. பஜாஜ் ஆட்டோ நிறுவனமும், நிஸான் நிறுவனமும் இணைந்து 2012ம் ஆண்டு, சிறிய கார் ஒன்றை அறிமுகப்படுத்த உள்ளன. அந்த காருக்கு, நானோ டீஸல் கார் கடும் போட்டி அளிக்கும் என்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 11,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 11,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 11,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 11,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 11,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்