பதிவு செய்த நாள்
05 ஜூன்2011
04:23
சென்னை:இரண்டு மற்றும் மூன்று சக்கர வாகனங்கள் தயாரிப்பு மற்றும் விற்பனையில் முன்னணி நிறுவனங்களுள் ஒன்றான பஜாஜ் ஆட்டோ, சென்ற மே மாதத்தில், 3 லட்சத்து 17 ஆயிரத்து 989 மோட்டார் சைக்கிள்களை விற்பனை செய்துள்ளது. இது, சென்ற ஆண்டின் இதே மாதத்தில், மேற்கொள்ளப்பட்ட விற்பனையை விட, 18 சதவீதம் (2 லட்சத்து 69 ஆயிரத்து 488 வாகனங்கள்) அதிகமாகும்.சென்ற மே மாதத்தில் இந்நிறுவனம், ஒரு லட்சத்து 26 ஆயிரத்து 818 மோட்டார் சைக்கிள்களை ஏற்றுமதி செய்துள்ளது. இது, சென்ற ஆண்டின் இதே மாதத்தை விட, 32.15 சதவீதம் (95 ஆயிரத்து 964 வாகனங்கள்) அதிகமாகும்.இந்நிறுவனம், சென்ற மே மாதத்தில், 40 ஆயிரத்து 860 மூன்று சக்கர வாகனங்களை விற்பனை செய்துள்ளது. இது, சென்ற ஆண்டின் இதே மாதத்தை விட, 36.41 சதவீதம் (29 ஆயிரத்து 954 வாகனங்கள்) உயர்வாகும்.பஜாஜ் ஆட்டோ நிறுவனம், சென்ற மே மாதத் தில், ஒட்டு மொத்த அளவில், 3 லட்சத்து 58 ஆயிரத்து 849 வாகனங்களை விற்பனை செய்துள்ளது. இது, சென்ற ஆண்டின் இதே மாதத்தை விட, 19.84 சதவீதம் (2 லட்சத்து 99 ஆயிரத்து 442 வாகனங்கள்) அதிகம் என்பது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|