மும்பை:நடப்பாண்டில்,சென்ற மார்ச் மாதம் வரையிலான முதல் காலாண்டில், நிறுவனங்களின் மூலப்பொருள் செலவின வளர்ச்சி விகிதம் குறைந்துள்ளது. அதே சமயம், மூலப்பொருள்களுக்கான செலவினம் அதிகரித்துள்ளது.சென்ற மார்ச் மாதம் வரையிலான மூன்று மாத காலத்தில் பல்வேறு துறைகளைச் சேர்ந்த 1,815 நிறுவனங்களின், மூலப்பொருள் செலவினம் குறித்து ஆய்வு மேற்கொள்ளப்பட்டது. இதில்,இந்நிறுவனங்களின் மூலப்பொருள் செலவினம், 27.2 சதவீதம் அதிகரித்து 4 லட்சத்து 19ஆயிரம் கோடி ரூபாயாக உயர்ந்துள்ளது. அதே சமயம்,கடந்த ஆண்டு இதே காலத்தில், இந்நிறுவனங்களின் மூலப்பொருள் செலவினம் முந்தைய ஆண்டை விட 38.2 சதவீதம் உயர்ந்து, 3 லட்சத்து 30 ஆயிரம் கோடிரூபாயாக இருந்தது. ஆக, மதிப்பீட்டு காலத்தில், மூலப்பொருள் செலவினம் உயர்ந்துள்ள போதிலும், அதன் வளர்ச்சி விகிதம் குறைந்துள்ளது. ஆய்விற்கு எடுத்துக் கொள்ளப்பட்ட நிறுவனங்களின் ஒட்டு மொத்த செலவினம், நடப்பாண்டு மார்ச் மாதத்துடன் முடிவடைந்த காலாண்டில், 23.6 சதவீதம் உயர்ந்து 7 லட்சத்து 5ஆயிரம் கோடி ரூபாயாக அதிகரித்துள்ளது. இது, சென்ற ஆண்டு இதே காலத்தில், 31.2 சதவீதம் என்ற அளவில் வளர்ச்சி கண்டு 5 லட்சத்து 70ஆயிரம் கோடி ரூபாயாக இருந்தது. நிறுவனங்களின் நிகர லாபம்8.1 சதவீதம் உயர்ந்து, 60ஆயிரத்து 317 கோடி ரூபாயாக உயர்ந்துள்ளது. இது, சென்ற ஆண்டு 19.6 சதவீதமாக (55ஆயிரத்து 791 கோடிரூபாய்) இருந்தது. தொழிற்சாலைகளுக்கு தேவையான கனிமங்கள், ரப்பர், நிலக்கரி, கச்சா எண்ணெய் உள்ளிட்ட மூலப்பொருள்களின் விலை உயர்ந்துள்ளதால், நிறுவனங்களின் லாப வரம்பு குறைந்துள்ளது. ஆய்விற்கு எடுத்துக் கொள்ளப்பட்ட நிறுவனங்களுள்,774 நிறுவனங்களின் மொத்த செலவில், மூலப் பொருள்களுக்கான செலவு, முந்தைய ஆண்டு இதே காலத்தை விட குறைந்துள்ளது. அதேசமயம் 1,041 நிறுவனங்களின் மொத்த செலவினத்தில், மூலப்பொருள் செலவினம் உயர்ந்துள்ளது. பல்வேறு துறைகளைச் சேர்ந்த நிறுவனங்களின் மொத்த செலவினத்தில், மூலப்பொருள்களுக்கான செலவினம், சராசரியாக 59 சதவீதம் என்ற அளவில் உள்ளது. மதிப்பீட்டு காலத்தில், நிறுவனங்களின் மொத்த செலவினத்தில், மூலப்பொருள் செலவினம் 59.49 சதவீதமாக உள்ளது. இது சென்ற ஆண்டு, இதே காலத்தில்,57.87 சதவீதமாக இருந்தது.சென்னை பெட்ரோலியம் கார்ப்பரேஷன் நிறுவனத்தின் மூலப் பொருள்களுக்கான செலவு, சென்ற மார்ச் மாதத்துடன் முடிவடைந்த காலாண்டில் 99.6 சதவீதமாக உயர்ந்துள்ளது. இது, சென்ற ஆண்டு, இதே காலத்தில் 18.9 சதவீதமாக இருந்தது. எம்.ஆர்.பி.எல் நிறுவனத்தின் மூலப்பொருள் செலவு, 56.1 சதவீதத்தில் இருந்து 41.4 சதவீதமாக குறைந்துள்ளது.இதே போன்று, மேலும் பல நிறுவனங்களின் மூலப் பொருள்களுக்கான செலவினம் குறைந்துள்ளது. இவ்வகையில், ரிலையன்ஸ் இண்டஸ்ட்ரீஸ் நிறுவனம் 35.2 சதவீதம்(145.9 சதவீதம்), எஸ்ஸார் ஆயில் 32.7 சதவீதம்(86.2 சதவீதம்), எச்.பி.சி.எல் 30.6 சதவீதம்(50.6 சதவீதம்), ஐ.ஓ.சி.எல் 24.5 சதவீதம்(20.5 சதவீதம்), மாருதி ”‹கி 24 சதவீதம் (29.3 சதவீதம்), டாட்டா மோட்டார் 19.9 சதவீதம்(75.7 சதவீதம்), பீ.பி.சி.எல் 13.3 சதவீதம் (83.1 சதவீதம்) மற்றும் பெல் 3 சதவீதம் (16.3 சதவீதம்) என்ற அளவில் உள்ளன.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 07,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 07,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 07,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 07,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 07,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்