புதுடில்லி:சென்ற 2010-11ம் நிதியாண்டில், நாட்டின் மின் துறையில், அன்னிய நேரடி முதலீடு, 125.20 கோடி டாலராக (5,759 கோடி ரூபாய்) சரிவடைந்துள்ளது. இது, முந்தைய நிதியாண்டில் மேற்கொள்ளப்பட்ட முதலீட்டை விட, 12.8 சதவீதம் (143.70 கோடி டாலர்- 6,610 கோடி ரூபாய்) குறைவாகும் என தொழில் கொள்கை மற்றும் மேம்பாட்டு துறையின் புள்ளிவிவரத்தில் தெரிவிக்கப்பட்டுள்ளது. கடந்த ஏழு ஆண்டுகளில், இல்லாத அளவிற்கு, சென்ற நிதியாண்டில் மின் துறையில், அன்னிய நேரடி முதலீடு குறைந்துள்ளது. இதனால், இந்தியாவில், மேற்கொள்ளப்பட்டு வரும் மின் திட்டப் பணிகளில் தாமதம் ஏற்படும் என கூறப்படுகிறது.அன்னிய நேரடி முதலீடு மட்டுமின்றி, மின் துறையில், ஒட்டு மொத்த அளவில் மேற்கொள்ளப்படும் முதலீடும் 5-6 சதவீதம் குறைந்துள்ளது. கடந்த 2009-10ம் நிதியாண்டில், அன்னிய நேரடி முதலீடு மற்றும் உள்நாட்டு முதலீடுகளையும் சேர்த்து, மொத்தம் 1 லட்சத்து 25 ஆயிரத்து 958 கோடி ரூபாய் முதலீடு செய்யப்பட்டது. மின் உற்பத்திக்கு தேவையான அளவிற்கு நிலக்கரி கிடைப்பதில்லை. மேலும், வெளிநாடுகளிலிருந்து இறக்குமதி செய்யப்படும் நிலக்கரியும் மிகவும் காலதாமதமாகக் கிடைக்கிறது. மின் துறையில் முதலீடு குறைந்துள்ளதால், இதன் வளர்ச்சி பாதிப்புக்குள்ளாகும் நிலை ஏற்பட்டுள்ளது. நாட்டின் மின் உற்பத்தி துறைக்கு தேவையான, எரிபொருள் கிடைக்கவில்லை. இந்த பிரச்னைகளுக்கு தீர்வு காணும் வகையில், பிரதமர் மன்மோகன் சிங் தலைமையில் உயர்மட்டக் குழு ஆய்வு மேற்கொண்டது. இக்கூட்டத்தில், மத்திய மின்சாரத் துறை அமைச்சர் சுசில் குமார் ஷிண்டே, நிலக்கரி அமைச்சர் ஸ்ரீபிரகாஷ் ஜெய்ஸ்வால், நிதி அமைச்சர் பிரணாப் முகர்ஜி மற்றும் திட்டக் குழுவின் துணைத் தலைவர் மான்டெக் சிங் அலுவாலியா ஆகியோர் கலந்து கொண்டனர்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 07,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 07,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 07,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 07,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 07,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்