பதிவு செய்த நாள்
23 ஜூன்2011
14:31
மும்பை : சர்வதேச அளவில் கார்கள் தயாரிப்பு மற்றும் வர்த்தகத்தில் முன்னணியில் உள்ள வோக்ஸ்வாகன் நிறுவனத்தி்ன் இந்திய அங்கமான வோக்ஸ்வாகன் இந்தியா நிறுவனம், மே மாதத்தில் விற்பனை 244 சதவீதம் அதிகரித்துள்ளதாக தெரிவித்துள்ளது. இதுதொடர்பாக, வோக்ஸ்வாகன் குரூப் சேல்ஸ் இந்தியா நிறுவன உயர் அதிகாரி நீரஜ் கார்க் வெளியிட்டுள்ள அறிக்கையில் தெரிவிக்கப்பட்டுள்ளதாவது, இந்த ஆண்டின் மே மாதத்தில், தங்கள் நிறுவனம் 6,185 கார்களை விற்பனை செய்துள்ளது. கடந்த ஆண்டின் இதே மாதத்தில், 1,796 கார்கள் மட்டுமே விற்பனையாகி இருந்தன. இது சதவீதத்தின் அடிப்படையில் 244 சதவீதம் அதிகம் என்பது குறிப்பிடத்தக்கது. இந்த ஆண்டின் மே மாதத்தில், போலோ மற்றும் வென்டோ கார்கள் 5,889 என்ற அளவிலும், புளூமோஷன் தொழில்நுட்ப அடிப்படையிலான பசாட் கார்கள் 184 என்ற அளவிலும் விற்பனையாகி உள்ளது. இந்தாண்டின், ஜனவரி முதல் மார்ச் மாதம் வரையிலான காலகட்டத்தில், 33,958 கார்கள் விற்பனையாகி உள்ளதாகவும், கடந்தாண்டின் இதேகாலகட்டத்தில் 32,627 கார்கள் மட்டுமே விற்பனையாகி இருந்ததாக அதில் மேலும் தெரிவிக்கப்பட்டுள்ளது. தங்கள் நிறுவன விற்பனை அதிகரித்திருப்பது மக்களிடையே தங்கள் நிறுவனத்திற்கு உள்ள நன்மதிப்பை காட்டுவதாக அதில் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|