புதுடில்லி: நாட்டின் உணவுப் பொருள் பணவீக்கம், ஜூன் 18ம் தேதியுடன் நிறைவடைந்த வாரத்தில், 7.78 சதவீதமாக மிகவும் குறைந்துள்ளது. இது, இதற்கு முந்தைய வாரத்தை விட 1.35 சதவீதம் (9.13 சதவீதம்) குறைவு. மொத்த விலைக் குறியீட்டு எண் அடிப்படையில், கணக்கிடப்படும் உணவுப் பொருள் பணவீக்கம், மிகவும் குறைந்ததற்கு, காய்கறிகள், பருப்பு வகைகள் போன்றவை குறைந்ததுதான் முக்கிய காரணம். சென்ற ஆண்டு இதே வாரத்தில், உணவுப் பொருள் பணவீக்கம், 20 சதவீதத்திற்கும் அதிகமாக இருந்தது.கணக்கீடு செய்வதற்கு எடுத்துக்கொள்ளப்பட்ட வாரத்தில், கடந்த ஆண்டின் இதே காலத்தை விட, பருப்பு வகைகள் விலை, 9.50 சதவீதம் குறைந்திருந்தது. காய்கறிகள் விலை, 10.08 சதவீதம் சரிவடைந்திருந்தது. குறிப்பாக,உருளைக்கிழங்கு விலை, 2.39 சதவீதம் குறைந்திருந்தது.இருப்பினும், ஒரு சில முக்கிய உணவுப் பொருட்களின் விலை அதிகரித்திருந்தது. உணவு தானியங்கள் விலை, 4.76 சதவீதம் உயர்ந்திருந்தது. இது தவிர, அரிசி (2.01 சதவீதம்),கோதுமை (0.24 சதவீதம்), வெங்காயம் (16.08 சதவீதம்), பழங்கள் (24.76 சதவீதம்) மற்றும் முட்டை, இறைச்சி, மீன் வகைகள் (10.32 சதவீதம்) ஆகியவற்றின் விலை அதிகரித்து காணப்பட்டது.எரிபொருள் மற்றும் மின்சாரத்திற்கான செலவினம், 12.98 சதவீதம் என்ற அளவில் உயர்ந்துள்ளது. இது முந்தைய வாரத்தில், 12.84 சதவீதமாக இருந்தது.உணவு சாராத பொருட்களின் கீழ், நூலிழை விலை, 39.59 சதவீதம் என்ற அளவிலும், தாதுப் பொருட்கள் விலை, 28.51 சதவீதமும் உயர்ந்திருந்தது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 30,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 30,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 30,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 30,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 30,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்