மும்பை:நடப்பு 2011-12ம் நிதியாண்டில், ஏப்ரல் முதல் ஜூலை மாதம் வரையிலான காலத்தில், ஆயுள் காப்பீட்டு நிறுவனங்களின் பிரிமிய வருவாய், 21.8 சதவீதம் குறைந்து, 26 ஆயிரத்து, 795கோடி ரூபாயாக குறைந்துள்ளது. இது, சென்ற நிதியாண்டின், இதே காலத்தில், 34 ஆயிரத்து, 249கோடி ரூபாயாக இருந்தது. காப்பீட்டு ஒழுங்குமுறைமேம்பாட்டு ஆணையம் (இரிடா), வெளியிட்டுள்ள புள்ளி விவரத்தில், நடப்பு நிதியாண்டில், ஏப்ரல் முதல் ஜூலை மாதம் வரையிலான 4 மாதங்களில், பொதுத்துறையைசேர்ந்த லைப் இன்சூரன்ஸ் கார்ப்பரேஷன் (எல்.ஐ.சி) நிறுவனத்தின் பிரிமியம் வருவாய் 20.5 சதவீதம் குறைந்து, 24 ஆயிரத்து, 431கோடி ரூபாயில் இருந்து, 19 ஆயிரத்து, 407கோடி ரூபாயாக குறைந்துள்ளதாக தெரிவிக்கப்பட்டுள்ளது. இதே காலத்தில், தனியார் துறையைசேர்ந்த, 22 ஆயுள் காப்பீட்டு நிறுவனங்களின் புதிய பிரிமிய வருவாய், 25 சதவீதம் குறைந்து 9,818கோடி ரூபாயில் இருந்து, 7,388கோடி ரூபாயாக குறைந்துள்ளது.ஏப்ரல் - ஜூன் வரையிலான முதல் காலாண்டில், பிரிமியம் வருவாய் 28 சதவீதம் குறைந்துள்ளது.எனினும், பொது மற்றும் தனியார் துறையைச்சேர்ந்த ஆயுள் காப்பீட்டு நிறுவனங்களின் பிரிமிய வருவாய், சென்ற ஜூலை மாதம் 41 சதவீதம் உயர்ந்து, 8,511கோடி ரூபாயாக அதிகரித்துள்ளது. இது, முந்தைய ஜூன் மாதத்தில் 6,023கோடி ரூபாயாக இருந்தது. நடப்பு நிதியாண்டில், ஏப்ரல் - ஜூலை வரையிலான 4 மாதங்களில், ஆயுள் காப்பீட்டு நிறுவனங்களின் பிரிமிய வரு வாய் குறைந்துள்ளபோதிலும், பொதுக் காப்பீட்டு நிறுவனங்களின் பிரிமிய வருவாய், இதே காலத்தில் உயர்ந் துள்ளது.மதிப்பீட்டு காலத்தில், பொது காப்பீட்டு துறையைச்சேர்ந்த நிறுவனங்களின் பிரிமிய வருவாய், 21.38 சதவீதம் உயர்ந்து, 18 ஆயிரத்து, 646கோடி ரூபாயாக அதிகரித்துள்ளது. இது, சென்ற நிதியாண்டின், இதே காலத்தில், 15 ஆயி ரத்து, 361கோடி ரூபாயாக இருந்தது. பொதுக் காப்பீட்டுத் துறையில், பொதுத்துறை நிறுவனங்களின்பிரிமிய வருவாய், நடப்பு நிதியாண்டில், சென்ற ஜூலை மாதத்துடன் முடிவடைந்த 4 மாதங்களில், 19.21 சதவீதம் வளர்ச்சி கண்டு,10 ஆயிரத்து,671கோடி ரூபாயாக உயர்ந் துள்ளது.இது,சென்ற நிதியாண்டின், இதே காலத்தில் 8 ஆயிரத்து, 952கோடி ரூபாயாக இருந்தது.இதே காலத்தில், தனியார் துறையைசேர்ந்த பொதுக் காப்பீட்டு நிறுவனங்களின் பிரிமியம், 24.42 சதவீதம் வளர்ச்சி கண்டு, 7,975கோடி ரூபாயாக உயர்ந்துள்ளது. இது, சென்ற நிதியாண்டின், இதே காலத்தில், 6,410கோடி ரூபாயாக இருந்தது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 28,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 28,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 28,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 28,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 28,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்