பதிவு செய்த நாள்
10 செப்2011
16:20
இந்தியச் சந்தையில் மிகவும் அதிகமாக விற்பனையாகும் சிறிய வகை குடும்பக் கார்களை கருத்தில் கொண்டு, ஹோண்டா நிறுவனம் ஐந்து ஆண்டுக்கால ஆய்வுக்குப் பின் உருவாக்கியுள்ள கார் இது. இந்த மாத இறுதியில் அறிமுகப்படுத்தப்படவுள்ள ஹோண்டா பிரையோ, பெட்ரோலை எரிபொருளாகக் கொண்டு இயங்கும் 1200 சிசி இயந்திரம் கொண்ட காராகும். இந்திய சந்தையில் அதிகம் விற்பனையாகும் மாருதி ஸ்விட், வோல்க்ஸ்வேகன் போலா, ஃபோர்டின் பிகோ போன்ற கார்களுக்கு போட்டியாக தயாரிக்கப்பட்டுள்ளது. இந்தியாவைப் பொறுத்தவரை 4 மீட்டர் நீளத்திற்குக் குறைவாகவும், 1200 சிசி பெட்ரோல் அல்லது 1500 சிசி டீசல் இயந்திரத்தால் இயங்கும் கார்களை சிறிய வகை கார்கள் என்று தரம் நிர்ணயிக்கப்படுகிறது. ஹோண்டா பிரையோ 90 போர் ஹார்ஸ் பவர் சக்தியை உண்டாக்கவல்லதாகும். பார்பதற்கு சிறியதாக இருந்தாலும், இதில் பின்னால் மூவர், முன்னால் இருவர் என மொத்தம் 5 பேர் வசதியாக அமர்ந்து பயணம் செய்யலாம். இந்திய சூழலுக்கு ஏற்றவாறு தயாரிக்கப்பட்ட கார் இது என்கிறது ஹோண்டா நிறுவனம். விலை ரூ.4.2 முதல் 4.5 இலட்சம் வரை.
மேலும் பொது செய்திகள்
|
Advertisement
|
Advertisement
|
Advertisement
|
|
|
|