புதுடில்லி:பங்குச் சந்தையில் பங்குகளை வாங்கும் போதும், விற்கும் போதும் விதிக்கப்படும் பங்கு பரிவர்த்தனை வரியை நீக்குவது குறித்து மத்திய நிதியமைச்சகம் பரிசீலித்து வருகிறது.கடந்த 2004-05ம் நிதியாண்டிற்கான மத்திய பட்ஜெட்டில், பங்கு பரிவர்த்தனை வரியை அப்போதைய நிதியமைச்சர் ப.சிதம்பரம் அறிமுகப்படுத்தினார். இதனால்,பங்கு வர்த்தகத்தில் ஈடுபட்டுள்ளோர் பாதிக்கப்பட்டனர். இந்த வரியை நீக்க வேண்டும் என இத்துறையினர் கோரிக்கை விடுத்தனர்.இந்நிலையில், நிதியமைச்சகம் மற்றும் பங்குச் சந்தைகளின் உயரதிகாரிகள் கூட்டம் நடைபெற்றது. இதில், பங்கு பரிவர்த்தனை வரியை குறைப்பது அல்லது நீக்குவது குறித்து பரிசீலிக்கப்பட்டது. இத்திட்டம் குறித்து, பொருளாதார விவகாரங்கள் துறை மற்றும் வருவாய்துறை ஆகியவை இணைந்து பல்வேறு தீர்வுகளை உருவாக்கியுள்ளன. இவற்றை நிதியமைச்சகம் இறுதி செய்த பிறகு, அமைச்சரவை கூட்டத்தில் இதற்கு ஒப்புதல் பெறப்படும் என, அதிகாரி ஒருவர் தெரிவித்தார்.நடப்பு நிதியாண்டு, ஏப்ரல் முதல் ஆகஸ்ட் வரையிலான ஐந்து மாத காலத்தில், பங்கு பரிவர்த்தனை வரி வசூல் 2,223 கோடி ரூபாயாக இருந்தது. இது, கடந்த நிதியாண்டின் இதே காலத்தை விட 10 சதவீதம் குறைவு. பங்கு பரிவர்த்தனை வரி நீக்கப்படும் பட்சத்தில், பங்கு வர்த்தகர்களின் செலவினம் குறையும். மேலும், பங்கு வர்த்தகமும் அதிகரிக்கும் என்று எதிர்பார்க்கப்படுகிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 29,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 29,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 29,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 29,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 29,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்