பதிவு செய்த நாள்
29 அக்2011
15:10
புதுடில்லி : நாட்டின் முன்னணி மற்றும் மிகப்பெரிய கார் தயாரிப்பு மற்றும் வர்த்தக நிறுவனமான மாருதி சுசூகி நிறுவனம், இந்த நிதியாண்டின் இரண்டாம் காலாண்டில் நிகரலாபம் 59.81 சதவீதம் சரிவடைந்துள்ளதாக தெரிவித்துள்ளது. இதுதொடர்பாக, மாருதி சுசூகி நிறுவனம் வெளியிட்டுள்ள செய்திக்குறிப்பில தெரிவிக்கப்பட்டுள்ளதாவது, செப்டம்பர் 30ம் தேதியுடன் முடிவடைந்த இந்த நிதியாண்டின் இரண்டாம் காலாண்டில் ரூ. 240.44 கோடி நிகரலாபம் ஈட்டியுள்ளது. கடந்த நிதியாண்டின் இதேகாலகட்டத்தில், ரூ. 598.24 கோடி நிகரலாபம் ஈட்டியிருந்தது குறிப்பிடத்தக்கது. இது, சதவீதத்தின் அடிப்படையில் 59.81 சதவீதம் குறைவு ஆகும். அதேபோல, மாருதி சுசூகி இந்தியா நிறுவன மொத்த வருமானம் 14.38 சதவீதம் சரிவடைந்து ரூ. 9,147.27 கோடி என்ற அளவிலிருந்து ரூ. 7, 831.62 அளவாக குறைந்துள்ளது. இந்நிதியாண்டின், இதேகாலகட்டத்தில், வாகனங்களின் விற்பனை 19.56 சதவீதம் குறைந்து 3,13,654 என்ற அளவிலிருந்து 2,52,307 எனற அளவாக பதிவாகி உள்ளதாக அதில் மேலும் தெரிவிக்கப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|