பதிவு செய்த நாள்
11 நவ2011
00:58
சென்னை:பொது காப்பீட்டு வர்த்தகத்தில் ஈடுபட்டு வரும் பொதுத்துறை நிறுவனமான யுனைடெட் இந்தியா இன்சூரன்ஸ் நிறுவனம், நடப்பு 2011-12ம் நிதியாண்டில் 8,000 கோடி ரூபாய் பிரிமியம் திரட்ட இலக்கு நிர்ணயித்துள்ளது.இது குறித்து இந்நிறுவனத்தின் தலைவர் மற்றும் நிர்வாக இயக்குனர் ஜி.சீனிவாசன் கூறியதாவது:
சென்ற செப்டம்பருடன் முடிவடைந்த அரையாண்டில், நிறுவனத்தின் நிகர லாபம், 56.61சதவீதம் அதிகரித்து, 218 கோடியில் இருந்து 341.07 கோடி ரூபாயாக அதிகரித்துள்ளது. இது, 2010-11ம் முழு நிதியாண்டில் நிறுவனம் ஈட்டிய நிகர லாபத்தை விட இரண்டு மடங்கு உயர்வாகும்.இதே காலத்தில், நிறுவனத்தின் பிரிமிய வருவாய், 27 சதவீதம் அதிகரித்து 3,178 கோடியில் இருந்து, 4,033 கோடி ரூபாயாக உயர்ந்துள்ளது. கடந்த மூன்றாண்டுகளாக, நிறுவனத்தின் பிரிமிய வருவாய் தொடர்ந்து வளர்ச்சி கண்டு வருகிறது.
நடப்பு நிதியாண்டில், பிரிமியம் வருவாய், 25 சதவீதம் வளர்ச்சி காணும் என மதிப்பிடப்பட்டுள்ளது. செப்டம்பருடன் முடிவடைந்த ஆறுமாத காலத்தில், நிறுவனத்தின் இழப்பீட்டு விகிதம்,83 சதவீதம் குறைந்துள்ளது.முதலீடுகளின் மீதான வருவாய், 803 கோடி ரூபாயாக உயர்ந்துள்ளது. மேலும்,நிறுவனம் மேற்கொண்ட முதலீடுகளின் சந்தை மதிப்பு,15 ஆயிரத்து 803 கோடி ரூபாயாக அதிகரித்துள்ளது. சென்ற செப்டம்பர் வரையிலான மதிப்பீட்டின்படி, நிறுவனத்தின் நிகர சொத்து மதிப்பு 4,587 கோடி ரூபாயாக உள்ளது.
விரைவில் புதிய மருத்துவ காப்பீட்டு திட்டங்கள் அறிமுகப்படுத்தப்பட உள்ளன. தற்போது நிறுவனத்திற்கு 50 ஆயிரம் முகவர்கள் உள்ளனர். மேலும் அதிக அளவில் முகவர்களை தேர்வு செய்து பயிற்சி அளிக்க உள்ளோம்.தமிழக அரசின் புதிய மருத்துவ காப்பீட்டு திட்டத்திற்கான ஒப்பந்த புள்ளிகள் கோரப்பட்டுள்ளன. இதிலும் பங்கேற்க உள்ளோம். இவ்வாறு ஜி.சீனிவாசன் தெரிவித்தார்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|