பதிவு செய்த நாள்
13 நவ2011
03:10
நடப்பு 2011ம் ஆண்டின், மூன்றாவது காலாண்டில், இந்தியாவில், கம்ப்யூட்டர்கள் மற்றும் லேப்-டாப் ஆகியவற்றின் விற்பனை 31 லட்சத்து 50 ஆயிரமாக உயர்ந்துள்ளது. இது, கடந்தாண்டு இதே காலாண்டில் மேற்கொள்ளப்பட்ட விற்பனையுடன் ஒப்பிடுகையில், 13 சதவீதம் அதிகமாகும்.
இந்திய கம்ப்யூட்டர் வரலாற்றில், தற்போது தான் இந்த அளவிற்கு விற்பனை அதிகரித்துள்ளது. நுகர்வோரிடையே கம்ப்யூட்டர்களுக்கான தேவை மிகச் சிறந்த அளவில் அதிகரித்து வருவதை இது எடுத்துக் காட்டுகிறது என, ஆராய்ச்சி நிறுவனமான கார்ட்னர் தெரிவித்துள்ளது.
கம்ப்யூட்டர்கள் விற்பனையில், லேப்-டாப்பின் பங்களிப்பு முக்கியமாக உள்ளது. இவ்வகை கம்ப்யூட்டர்களின் விற்பனை, 29 சதவீதம் வளர்ச்சி கண்டுள்ளது.மேலும்,மொத்த விற்பனையில், வீட்டு உபயோகத்திற்கான கம்ப்யூட்டர்கள் விற்பனையின் பங்களிப்பு 55 சதவீதமாக உள்ளது.
பண்டிகை காலத்தையொட்டி இதன் விற்பனை குறிப்பிடத்தக்க அளவிற்கு அதிகரித்துள்ளது. இருப்பினும், நான்காவது காலாண்டில் இதன் விற்பனை சற்று குறைய வாய்ப்புள்ளது என, கார்ட்னர் நிறுவனத்தின் மூத்த ஆய்வாளர் விஷால் திரிபாதி தெரிவித்தார்.
பெரும்பாலான பன்னாட்டு நிறுவனங்களின் கம்ப்யூட்டர்கள் விற்பனை, இரட்டை இலக்க அளவிற்கு வளச்சி கண்டுள்ளது. மொத்த கம்ப்யூட்டர்கள் விற்பனையில், 15 சதவீத பங்களிப்புடன் டெல் நிறுவனம் முதலிடத்தில் உள்ளது.
கம்ப்யூட்டர்கள் விற்பனையில், கடந்த இரண்டு காலாண்டுகளாக, எச்.பி. நிறுவனத்தின் சந்தை பங்களிப்பு குறைந்து போயுள்ளது. செப்டம்பர் மாதத்துடன் முடிவடைந்த மூன்றாவது காலாண்டில், இந்நிறுவனம், 13.3 சதவீத விற்பனை பங்களிப்புடன் இரண்டாம் இடத்தில் உள்ளது.
இது, இதற்கு முந்தைய இரண்டாவது காலாண்டில், 11.2 சதவீதம் என்ற அளவில் இருந்தது. மூன்றாம் இடத்தை தக்க வைத்துக் கொண்டுள்ள, லெனோவா நிறுவனத்தின் விற்பனை,10.4 சதவீதத்திலிருந்து, 12.1 சதவீதமாக அதிகரித்துள்ளது .
நாட்டின் மொத்த கம்ப்யூட்டர்கள் விற்பனை சந்தையில், டெல், எச்.பி., ஏசர் மற்றும் லெனோவா ஆகிய நான்கு நிறுவனங்களின் பங்களிப்பு 51.10 சதவீதமாக உள்ளது. மேற்கண்ட பன்னாட்டு நிறுவனங்கள் விற்பனை வளர்ச்சி கண்டுள்ள நிலையில், மூன்றாவது காலாண்டில், எச்.சி.எல். நிறுவனத்தின் விற்பனை மட்டும் 5.6 சதவீதமாக சரிவடைந்துள்ளது. இது, இதற்கு முந்தைய இரண்டாவது காலாண்டில், 6.6 சதவீதமாக இருந்தது.
மேலும் ஐ.டி செய்திகள்
|
Advertisement
|
Advertisement
|
Advertisement
|
|
|
|