பதிவு செய்த நாள்
20 நவ2011
11:28
புதுச்சேரி: புதுச்சேரியிலிருந்து தமிழகப் பகுதிக்கு இயக்கப்படும், பி.ஆர்.டி.சி., பஸ்களில் கட்டணம் உயர்த்தப்பட்டுள்ளது. தமிழகத்தில், பஸ் கட்டணம் உயர்த்தப்பட்டுள்ளது. இதன் எதிரொலியாக, புதுச்சேரியிலிருந்து தமிழகப் பகுதிக்கு இயக்கப்படும், பி.ஆர்.டி.சி., பஸ்களிலும் கட்டணம் உயர்த்தப்பட்டுள்ளது. புதுச்சேரியிலிருந்து தமிழகம் உள்ளிட்ட பிற பகுதிக்கு இயக்கப்படும் பி.ஆர்.டி.சி., பஸ்களில் உயர்த்தப்பட்டுள்ள கட்டண விவரம் வருமாறு:
புதிய பழைய
கட்டணம் கட்டணம்
புதுச்சேரி- சென்னை ரூ.97 ரூ.55
(இ.சி.ஆர்., வழி)
புதுச்சேரி- சென்னை ரூ.92 ரூ.53
(திண்டிவனம் வழி)
புதுச்சேரி - பெங்களூரு ரூ.200 ரூ.130
புதுச்சேரி - திருப்பதி ரூ.150 ரூ.100
புதுச்சேரி - நாகர்கோவில் ரூ.400 ரூ.300
புதுச்சேரி - மாகி ரூ. 455 ரூ.390
புதுச்சேரி - காரைக்கால் ரூ.80 ரூ.45
புதுச்சேரி - விழுப்புரம் ரூ.15 ரூ.12
புதுச்சேரி - குமுளி ரூ.210 ரூ.145
பி.ஆர்.டி.சி., உயரதிகாரி கூறுகையில், "மோட்டார் வாகனச் சட்டப்படி, ஒரு மாநிலத்தில் பஸ் கட்டணம் உயரும்போது, அண்டை மாநிலங்களிலிருந்து அந்த மாநிலத்திற்கு இயக்கப்படும் பஸ்களிலும் கட்டணம் உயர்த்தப்படும். புதுச்சேரியிலிருந்து தமிழக பகுதிகளுக்கும், தமிழகம் வழியாக பிற ஊர்களுக்கும் இயக்கப்படும், பி.ஆர்.டி.சி., பஸ் கட்டணம் உயர்த்தப்பட்டுள்ளது. புதுச்சேரியிலிருந்து செல்லும் பி.ஆர்.டி.சி., பஸ்களில், மாநில எல்லை பகுதிகள் வரை புதுச்சேரி மாநிலத்தில், தற்போது நடைமுறையில் உள்ள ஒரு கி.மீ., தொலைவுக்கு 27 பைசா கட்டணமும், அதன்பிறகு, தமிழக அரசு ஒரு கி.மீ., தூரத்திற்கு நிர்ணயித்துள்ள கட்டணத்தை கணக்கிட்டும் வசூலிக்கப்படும்' என்றார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|