பஞ்சாப் நேஷனல் பேங்க் மற்றும் பிம் பேங்க்ஆகியவற்றின் கூட்டு நிறுவனமான இந்தியாபேக்டரிங் அண்டு பைனான்ஸ் சொல்யூஷன்ஸ் நிறுவனம், சிறு மற்றும் நடுத்தர தொழில் நிறுவனங்களுக்கு கடன் வழங்கும் நடவடிக்கையில் ஈடுபட்டு வருகிறது. தமிழகத்தில், இதன் வர்த்தக விரிவாக்க திட்டங்களை செயல்படுத்த முனைப்புடன் நடவடிக்கை மேற்கொண்டு வருகிறது.
நிறுவனத்தின் செயல்பாடு மற்றும் எதிர்கால திட்டங்கள் குறித்து இதன் முதன்மை நிர்வாக அதிகாரி சுதீப் சரபத்கிகாரி தினமலர் நாளிதழுக்கு அளித்த சிறப்பு பேட்டி:பொருளாதார வளர்ச்சிக்கு, சிறு மற்றும் நடுத்தர நிறுவனங்கள் மிக முக்கிய பங்களிப்பை வழங்கி வருகின்றன. மொத்த தொழில் துறை உற்பத்தியில் இந்நிறுவனங்களின் பங்களிப்பு 45 சதவீதமாகவும், ஏற்றுமதியில் 40 சதவீதமாகவும் உள்ளது. இத்துறையின் வாயிலாக, 4 கோடியே 20 லட்சம் பேர் வேலை வாய்ப்பை பெற்றுள்ளனர்.
மேலும், இத்துறை மூலம் ஆண்டுக்கு 10 லட்சம் வேலை வாய்ப்புகள் உருவாகி வருகிறது. எனவே, இதன் முக்கியத்துவம் உணர்ந்து, இந்நிறுவனங்களுக்கான கடன் நடவடிக்கைகளில் ஈடுபட்டு வருகிறோம். குறிப்பாக, தமிழகத்தில் வர்த்தக விரிவாக்க திட்டங்களை விரைவாக மேற்கொள்ள தேவையான நடவடிக்கைகளை முடுக்கி விட்டுள்ளோம்.நிறுவனத்திற்கு, நாடு தழுவிய அளவில் 7 கிளைகள் உள்ளன. சொத்து மதிப்பு 700 கோடியாகவும் விற்றுமுதல், 1,500 கோடி ரூபாயாக உள்ளது.
இதில், தமிழகத்தின் பங்களிப்பு 25 சதவீதமாக உள்ளது.இதன் பங்களிப்பை மேலும் அதிகரிக்கும் வகையில், பல இடங்களில் கிளைகள் தொடங்கப்பட்டு வருகிறது. கூடிய விரைவில் கோவையில் புதிய கிளை திறக்கப்பட உள்ளது.அடுத்த மூன்று ஆண்டுகளில், நிறுவனத்தின் விற்று முதலை மூன்று மடங்கு அதிகரிக்க இலக்கு நிர்ணயிக்கப்பட்டுள்ளது. இதற்காக, நிறுவனம் பல்வேறு விரிவாக்க திட்டங்களையும், விழிப்புணர்வு நடவடிக்கைகளையும் தமிழகத்தில் மேற்கொண்டு வருகிறது. இவ்வாறு சுதீப் சரபத்கிகாரி கூறினார்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 25,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 25,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 25,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 25,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 25,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்