புதுடில்லி:நடப்பு நிதியாண்டின் ஏப்ரல் முதல் ஆகஸ்ட் வரையிலான, ஐந்து மாத காலத்தில், நாட்டின் அத்தியாவசியப் பொருட்கள் இறக்குமதி, 40 ஆயிரத்து, 281 கோடி ரூபாயாக அதிகரித்துள்ளது. இது, கடந்த நிதியாண்டின் இதே காலத்தில் மேற்கொள்ளப்பட்ட இறக்குமதியை விட, 42.2 சதவீதம் (28 ஆயிரத்து 317 கோடி ரூபாய்) அதிகமாகும்.அத்தியாவசியப் பொருட்கள் பிரிவில், உணவு தானியங்கள், சமையல் எண்ணெய், மோட்டார் வாகனம், பால் மற்றும் பானங்கள் போன்றவை இடம் பெற்றுள்ளன. மத்திய அரசு, மேற்கண்ட பொருள்களின் இறக்குமதி மீது, அதிக கவனத்துடன் செயல்பட்டு வருகிறது. உள்நாட்டு தொழில் துறைகளுக்கு பாதிப்பு ஏற்படாத வகையில், இவற்றின் இறக்குமதியை மத்திய அரசு கண்காணித்து வருகிறது.கணக்கீட்டுக் காலத்தில், பருப்பு வகைகள் இறக்குமதி, 3,342.95 கோடி ரூபாயாக இருந்தது.
இது, கடந்த நிதியாண்டின் இதே காலத்தில், 3,280 கோடி ரூபாயாக காணப்பட்டது.இதே காலத்தில் சமையல் எண்ணெய் இறக்குமதி, 66 சதவீதம் உயர்ந்து, 10 ஆயிரத்து, 998 கோடியிலிருந்து, 18 ஆயிரத்து 244 கோடி ரூபாயாக அதிகரித்துள்ளது.ஆல்கஹால் கலந்த பானங்கள், நறுமணப் பொருட்கள் இறக்குமதி முறையே, 47.5 சதவீதம் மற்றும் 68.3 சதவீதம் அதிகரித்துள்ளது. சிறிய மற்றும் நடுத்தர நிறுவனங்களின் தயாரிப்புகளான குடைகள், பூட்டுகள், பொம்மைகள் மற்றும் கண்ணாடி சாமான்கள் ஆகியவற்றின் இறக்குமதி, 48.6 சதவீதம் உயர்ந்து, 839.84 கோடி ரூபாயாக அதிகரித்துள்ளது.மோட்டார் வாகனத் துறையின் இறக்குமதி, 103.5 சதவீதம் அதிகரித்து, 789.67 கோடி ரூபாயிலிருந்து, 1,607 கோடி ரூபாயாக உயர்ந்துள்ளது.
இந்நிலையில், இதே காலத்தில் உணவு தானியங்கள், பால் மற்றும் பால் பொருட்கள், தேயிலை, காபி போன்றவற்றின் இறக்குமதி முறையே, 93.4 சதவீதம், 28.4 சதவீதம், 10.2 சதவீதம் என்றளவில் சரிவடைந்துள்ளது.நாட்டின் மொத்த இறக்குமதியில், அத்தியாவசியப் பொருட்கள் பிரிவு, 4.8 சதவீத பங்களிப்பைக் கொண்டுள்ளது. நடப்பு நிதியாண்டின் ஏப்ரல் முதல் ஆகஸ்ட் வரையிலான, ஐந்து மாத காலத்தில், நாட்டின் ஒட்டுமொத்த இறக்குமதி, 8 லட்சத்து, 47 ஆயிரத்து, 987 கோடி ரூபாயாக அதிகரித்துள்ளது.
இது, கடந்த நிதியாண்டின் இதே காலத்தில், மேற்கொள்ளப்பட்ட இறக்குமதியை விட, 36.5 சதவீதம் (6 லட்சத்து 21 ஆயிரத்து 89 கோடி ரூபாய்) உயர்ந்துள்ளது.இந்தோனேஷியா, சீனா, மலேசியா, ஜெர்மனி, அமெரிக்கா, கனடா, ஜப்பான், இத்தாலி, இங்கிலாந்து மற்றும் தாய்லாந்து ஆகிய நாடுகளிலிருந்து, மேற்கொள்ளப்பட்ட அத்தியாவசியப் பொருள்களின் இறக்குமதி அதிகரித்துள்ளது. அதே சமயம், மியான்மர், ஆஸ்திரேலியா ஆகிய நாடுகளின் இறக்குமதி குறைந்துள்ளதாக மத்திய வர்த்தக அமைச்சக அதிகாரி தெரிவித்தார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 26,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 26,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 26,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 26,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 26,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்