பதிவு செய்த நாள்
10 டிச2011
00:24
சென்னை:பொறியியல் வர்த்தக கண்காட்சியான, "இன்ஜினியரிங் எக்ஸ்போ-2011' சென்னை நந்தம்பாக்கம் டிரேட் சென்டரில் துவங்கியுள்ளது.
இது குறித்து, இன்போமீடியா 18 நிறுவனத்தின் தலைமைச் செயல் அதிகாரி (பப்ளிஷிங்) சந்தீப் கோஸ்லா கூறியதாவது:சிறு மற்றும் நடுத்தர அளவிலான பொறியியல் துறை நிறுவனங்கள், தங்களது வர்த்தகத்தை விரிவுபடுத்திக் கொள்ளும் வகையில், இக்கண்காட்சி நடைபெறுகிறது. மேலும், நவீன தொழில் நுட்பங்கள் குறித்து, நேரடியாக வாடிக்கையாளர்கள் அறிந்து கொள்வதற்கும், நிறுவனங்களிடையே வர்த்தக கூட்டு ஏற்படுத்திக் கொள்வதற்கும், இது ஒரு நல்ல வாய்ப்பாக அமைந்துள்ளது.
இக்கண்காட்சியில், 13 மாநிலங்கள் மற்றும் 28 நகரங்களிலிருந்து, 175க்கும் மேற்பட்ட நிறுவனங்கள் கலந்து கொண்டுள்ளன. இதில், 5,000க்கும் அதிகமான பொருட்கள் மற்றும் சேவைகள்காட்சிப்படுத்தப்பட்டுள்ளன. இப்பொறியியல் கண்காட்சி, வரும் 11ம் தேதி வரை நடைபெறும். இவ்வாறு சந்தீப் கோஸ்லா கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|