பதிவு செய்த நாள்
21 டிச2011
14:36
புதுடில்லி: எல்.ஜி.எலக்ட்ரானிக்ஸ் இந்தியா நிறுவனம், அடுத்த 2012ம் ஆண்டில் விரிவாக்கம் மற்றும் சந்தைப்படுத்துதல் நடவடிக்கைகளை மேற்கொள்ள ரூ.1,800 கோடியை முதலீடு செய்யும் என தகவல்கள் வெளியாகியுள்ளன.தற்போது நாட்டில் இரண்டு தொழிற்சாலைகளை கொண்டுள்ள இந்நிறுவனம், வாடிக்கையாளர் தேவை மற்றும் விருப்பம் போன்ற அம்சங்களை கருத்தில் கொண்டு புதுமையான மற்றும் உயர் ரக பொருட்கள் உற்பத்தி, புதிய தொழில் நுட்ப அறிமுகம் மற்றும் தட்டை வடிவ தொலைக்காட்சி பெட்டிகள் தயாரிப்பு போன்றவற்றில் அடுத்த ஆண்டு அதிக கவனம் செலுத்தும் என்று எதிர்பார்க்கப்படுகிறது. இதன் மூலம் 2012ம் ஆண்டில் விற்பனை 20 சதவீதம் அதிகரிக்கும்.கடந்த 2010ம் ஆண்டில் ரூ.16,000 கோடி வருவாய் ஈட்டியிருந்த இந்நிறுவனம், நடப்பு ஆண்டிற்கு ரூ.20,000 கோடி வருவாய் இலக்கு நிர்ணயித்துள்ளது.இருப்பினும், பல்வேறு இடர்பாடுகள் காரணமாக நடப்பு ஆண்டிற்கான வருவாய் இலக்கை எட்டுவது சாத்தியமில்லை என்று கூறப்படுகிறது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|