புதுடில்லி: பெட்ரோல் விலையை உயர்த்தும் எண்ணெய் நிறுவனங்களின் திட்டத்துக்கு, மத்திய அரசிடமிருந்து அரசியல் ரீதியான ஒப்புதல் கிடைக்காததால், இன்னும் இரண்டு வாரங்களுக்கு பெட்ரோல் விலை உயர்த்தப்படாது என, தகவல் வெளியாகியுள்ளது. சர்வதேச சந்தையில் நிலவும் கச்சா எண்ணெயின் விலைக்கேற்ப, உள்நாட்டில் பெட்ரோல் விலையில் மாற்றம் செய்யும் அதிகாரம், எண்ணெய் நிறுவனங்களுக்கு வழங்கப்பட்டுள்ளன. இதன்படி, ஒவ்வொரு மாதமும், இரண்டு வாரங்களுக்கு ஒருமுறை பெட்ரோல் விலையை, எண்ணெய் நிறுவனங்கள் மாற்றி அமைக்கின்றன. தற்போது கச்சா எண்ணெயின் விலை அதிகரித்திருப்பதால், இந்த மாதம் 1ம் தேதியில் பெட்ரோல் விலை, லிட்டருக்கு இரண்டு ரூபாய் வரை அதிகரிக்கப்படும் என, தகவல்கள் வெளியாயின. ஆனாலும், இரண்டு நாட்கள் கடந்த பின்னும் அறிவிப்பு எதுவும் வெளியாகவில்லை.
இதுகுறித்து, டில்லி அரசியல் வட்டாரங்கள் கூறியதாவது: உ.பி., உள்ளிட்ட ஐந்து மாநில சட்டசபைத் தேர்தல்கள் நடப்பதால், விலை உயர்வை அறிவிப்பதில் பிரச்னை ஏற்படுமா என்ற கேள்வி எழுந்துள்ளது. மேலும், கடந்த முறை விலை உயர்வு அறிவிக்கப்பட்டபோது, பார்லிமென்டில் எதிர்க்கட்சிகள் கடும் எதிர்ப்பு தெரிவித்தன.
காங்கிரசின் கூட்டணி கட்சியான திரிணமுல் காங்கிரசும் கடும் எதிர்ப்பு தெரிவித்தது. சமீபத்தில் ராஜ்யசபாவில் லோக்பால் மசோதா தாக்கல் செய்யப்பட்டபோது, அதில் திருத்தங்கள் கொண்டு வர வேண்டும் என, திரிணமுல் காங்., கூறியது. இந்த விவகாரத்தில் காங்கிரஸ் மீது, திரிணமுல் கடும் அதிருப்தியில் உள்ளது. இந்த சூழ்நிலையில், பெட்ரோல் விலை உயர்வை அறிவித்தால், திரிணமுல் உள்ளிட்ட கூட்டணி கட்சிகளின் கடும் எதிர்ப்பை சந்திக்க வேண்டும் என, அரசு கருதுகிறது. மேலும், விலை உயர்வால், தேர்தலில் தங்களுக்கு பாதிப்பு ஏற்படும் என்றும் காங்கிரஸ் அச்சப்படுகிறது. இதனால், எண்ணெய் நிறுவனங்களின் விலை உயர்வுக்கு, அரசியல் ரீதியான ஒப்புதல் கிடைக்கவில்லை. எனவே, இன்னும் இரண்டு வாரங்களுக்கு பெட்ரோல் விலையில் மாற்றம் ஏற்படுவதற்கு வாய்ப்பு இல்லை. இவ்வாறு அரசியல் வட்டாரங்கள் தெரிவித்தன.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 03,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 03,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 03,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 03,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 03,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்