புத்தாண்டில், கமர்ஷியல் காஸ் சிலிண்டர் விலை, 1,500 ரூபாயை நெருங்கியுள்ளது. மூன்று ஆண்டுகளில் கமர்ஷியல் சிலிண்டர் விலை இரட்டிப்பாகியுள்ளது. ஐ.ஓ.சி., - எச்.பி., - பாரத் பெட்ரோலியம் ஆகிய பொதுத் துறை எண்ணெய் நிறுவனங்கள் வீட்டு உபயோகத்திற்காக, 14.2 கிலோ எடையுள்ள காஸ் சிலிண்டர்களையும், வணிக பயன்பாட்டிற்காக, 19.2 கிலோ எடையுள்ள கமர்ஷியல் காஸ் சிலிண்டர்களையும் வினியோகம் செய்கிறது. கமர்ஷியல் சிலிண்டருக்கு அரசு மானியம் வழங்குவதில்லை. சர்வதேச சந்தையில் கச்சா எண்ணெய் விலை நிலவரத்தைப் பொறுத்து, மாதம் தோறும், கமர்ஷியல் சிலிண்டர் விலையை, எண்ணெய் நிறுவனங்கள் நிர்ணயிக்கும். 2008 நவம்பர் மாதம், 1,238.85 ரூபாயாக இருந்த கமர்சியல் சிலிண்டர், 2008 டிசம்பரில், 949.95 ரூபாயாகவும், 2009 ஜனவரியில், 758.35 ரூபாயாகவும் வீழ்ச்சியடைந்தது.
ஓட்டல் உரிமையாளர்கள், வியாபாரிகள் மகிழ்ச்சியடைந்தனர். அதன் பின், கமர்ஷியல் சிலிண்டர் விலை உயரத் துவங்கியது. 2009 ஜனவரிக்கு பின் விலை படிப்படியாக அதிகரித்து, 2010 ஜனவரியில், 1,160.10 ரூபாயாகவும், 2011 ஜனவரியில் 1,372.18 ரூபாயாகவும் உயர்ந்தது. கடந்த மாதம், 1,391 ரூபாயாக இருந்த கமர்ஷியல் சிலிண்டர் விலை, 2012 ஜனவரி 1ம் தேதி முதல், 1,457.50 ரூபாயாக உயர்ந்தது. ஒரு மாதத்தில் சிலிண்டர் விலை, 66 ரூபாய், 50 காசு அதிகரித்துள்ளது. 2009 ஜனவரியில், 758 ரூபாயாக இருந்த கமர்ஷியல் சிலிண்டர் விலை, 2012 ஜனவரியில், 1,457.50 ரூபாயாக அதிகரித்துள்ளது. மூன்று ஆண்டுகளில் கமர்ஷியல் சிலிண்டர் விலை இரட்டிப்பாகியுள்ளது. நடப்பாண்டு முதல் மாதத்திலேயே கமர்ஷியல் சிலிண்டர் விலை, 1,500 ரூபாயை நெருங்கியுள்ளது.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 03,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 03,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 03,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 03,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 03,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்