"டாஸ்மாக்' மதுபான விற்பனை, 2010ம் ஆண்டை விட, 2011ல், 13 சதவீதம் உயர்ந்துள்ளது. கடந்த ஜூலை முதல் விலை உயர்த்தப்பட்டதால், மாதம், 300 கோடி ரூபாய் அளவுக்கு, வருவாயும் உயர்ந்துள்ளது. "டாஸ்மாக்' மதுபான சில்லரை விற்பனை, ஆண்டுதோறும், 12 சதவீதம் அளவுக்கு உயர்ந்து வந்துள்ளது. கடந்த 2010ல், மாதம், 38 லட்சம் பெட்டிகளாக இருந்த விற்பனை, 2011ல், 44 லட்சம் பெட்டிகளாக உயர்ந்துள்ளன. இதனால் மாதம், 1,500 கோடி ரூபாய் அளவிலிருந்த விற்பனை, 2011ல் மாதம், 1,800 கோடி ரூபாய் அளவுக்கு உயர்ந்துள்ளது.
பண்டிகை காலம் : கடந்த ஜூலையில் குவார்ட்டருக்கு, ஐந்து ரூபாய் வீதம் விலை உயர்த்தப்பட்டது தான், வருவாய் அதிகரிப்புக்குக் காரணம். 2010ல் நவம்பர் மாதம், தீபாவளி வந்ததால், 40.6 லட்சம் பெட்டிகள் விற்பனையாகின. 2011 நவம்பரில், 41 லட்சம் பெட்டிகளே விற்றுள்ளன. ஆனால், தீபாவளி அக்டோபரில் வந்துவிட்டதால், அந்த மாதத்தில், உள்ளாட்சி தேர்தலுக்காக கடைகள் அடைக்கப்பட்டிருந்தும், 47.6 லட்சம் பெட்டிகள் விற்பனையாகின. தீபாவளி தினத்தை ஒட்டி மட்டும், ஏழு லட்சம் பெட்டிகள் விற்பனையாகி உள்ளன. இவ்வாறு, பண்டிகை கால விற்பனையும் அதிகரித்து வருகிறது.
மந்த நிலை : இதேபோல, ஒவ்வொரு ஆண்டும், நவம்பர், டிசம்பரில் அய்யப்பன் கோவிலுக்கு பலரும் மாலை போட்டு விரதம் இருப்பதால், சரக்கு விற்பனை வழக்கத்தை விட குறையும். 2010 நவம்பரில், 40.6 லட்சம் பெட்டிகளும், டிசம்பரில், 36.4 லட்சம் பெட்டிகளும் விற்பனையாகின. 2011 நவம்பரில், 41 லட்சம் பெட்டிகளும், டிசம்பரில், 39.9 லட்சம் பெட்டிகள் மட்டுமே விற்பனையாகி உள்ளன.
அதிக விற்பனை : கடந்த 2010 - 11 நிதியாண்டில், 14 ஆயிரத்து, 965 கோடி ரூபாயாக விற்பனை இருந்தது. இந்த நிதியாண்டில், இன்னும் மூன்று மாதங்கள் மீதமுள்ள நிலையில், டிசம்பர் வரையிலேயே, 15 ஆயிரத்து, 577 கோடி ரூபாய்க்கு விற்பனையாகி உள்ளது. அதேபோல, 2010 - 11ல், மொத்தம், 480.48 லட்சம் பெட்டிகள் விற்பனையாகின. இந்த நிதியாண்டில், டிசம்பர் வரை, 396.84 லட்சம் பெட்டிகள் விற்பனையாகி உள்ளன.
இந்திய தயாரிப்பு அயல்நாட்டு மதுபான விற்பனை விவரம்: மாதம் 2010ம் ஆண்டு விற்பனை (லட்சம் பெட்டிகளில்) வருவாய் (ரூ.கோடியில்) 2011ம் ஆண்டு விற்பனை (லட்சம் பெட்டிகளில்) வருவாய் (ரூ.கோடியில்)
ஏப்ரல் 36.5 1428 42.55 1555
மே 39.9 1525 46.26 1736
ஜூன் 38.9 1474 45.03 1732
ஜூலை 39.4 1480 45 1796
ஆகஸ்ட் 40.7 1500 44.7 1800
செப்டம்பர் 39.5 1460 44.7 1824
அக்டோபர் 40.7 1508 47.6 1924
நவம்பர் 40.6 1480 41 1622
டிசம்பர் 36.4 1314 40 1588
2011ம் ஆண்டு நடந்த பீர் விற்பனை
மாதம் விற்பனை அளவு (லட்சம் பெட்டிகளில்)
ஏப்ரல் 17.97
மே 25.2
ஜூன் 27.69
ஜூலை 27.3
ஆகஸ்ட் 25.31
செப்டம்பர் 26.87
அக்டோபர் 25.15
நவம்பர் 18.92

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 05,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 05,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 05,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 05,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 05,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்