ஆமதாபாத்:தொழில் துறையில் வேகமாக முன்னேறி வரும் குஜராத், இந்தியாவில் முதன் முறையாக, முன்னோடி தொழில்நுட்ப வசதிகள் கொண்ட நிதி துறைக்கான சிறப்பு பொருளாதார மண்டலத்தை அமைக்கிறது.காந்தி நகர் அருகே, 3.58 சதுர கி.மீ பரப்பளவில் குஜராத் சர்வதேச நிதி தொழில்நுட்ப நகரம் (கிப்ட்) என்ற இந்த "மெகா' மண்டலத்தை உருவாக்கும் பணி தற்போது தொடங்கியுள்ளது. 78 ஆயிரம் கோடி ரூபாய் திட்டச் செலவில் மேற்கொள்ளப்படும் இந்த மண்டலத்தின் முதற்கட்டப் பணி, மூன்றரை ஆண்டுகளில் முடிவடையும் என்று எதிர்பார்க்கப்படுகிறது.
அப்போது, நாட்டிலேயே தகவல் தொழில்நுட்பம், எரிசக்தி, சுற்றுச்சூழல், கழிவு மேலாண்மை உள்ளிட்ட பல பிரிவுகளில், இந்த நகரம் முன்னோடியாகத் திகழும். இங்குள்ள கட்டடங்கள், குளிர் சாதன வசதிக்கு பதிலாக, புதுமையான தொழில்நுட்பத்தில் குளிர்ந்த நீரோட்டம் மூலம் குளிர்விக்கப்படும். இதன்மூலம், குளிர் சாதனங்களுக்கு ஆகும் மின்சாரத்தில் 90 சதவீதம் சேமிக்கப்படுகிறது என்பது குறிப்பிடத்தக்கது.
"கிப்ட்' நகரில் உள்ள அனைத்து கட்டங்களுக்கும், பொதுவான கண்காணிப்பு அமைப்பு ஏற்படுத்தப்பட்டு, தானியங்கி முறையில் மின் இழப்பு குறைக்கப்படும், தேவைக்கேற்ப மின்சாரம் வினியோகிக்கப்படும். ஒவ்வொரு கட்டடத்திலும் சேகரிக்கப்படும் கழிவுப் பொருட்கள், இயந்திரங்கள் மூலம் அதிவேகமாக உறிஞ்சப்பட்டு, குழாய்கள் மூலம் , 20 கி.மீ. தொலைவில் உள்ள திடக்கழிவு மேலாண்மை மையத்திற்கு அனுப்பி வைக்கப்படும்.
தானியங்கி முறையில் நடைபெறும் இந்த செயல்பாடுகள் மூலம், பணியாளர், போக்குவரத்து உள்ளிட்ட செலவுகள் பெருமளவு குறையும் என்று எதிர்பார்க்கப்படுகிறது. இத்தகைய தொழில்நுட்பம், லண்டன், மான்ட்ரியல், ஸ்டாக்ஹோம் மற்றும் பார்சிலோனா நகரங்களில் பயன்பாட்டில் உள்ளது.இத்துடன், மேலும் பல அதிநவீன வசதிகளைக் கொண்டதாக 'கிப்ட்' உருவாக உள்ளது. இந்தியாவின் முதன்மை மாநிலமாக தமிழகத்தை உருவாக்க உறுதி பூண்டுள்ள முதல்வர் ஜெயலலிதா, "கிப்ட்' போன்ற "மெகா' நகரை உருவாக்குவாரா?

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 06,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 06,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 06,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 06,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 06,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்