பதிவு செய்த நாள்
23 ஜன2012
14:47
டூயல் சிம் குவெர்ட்டி போனாக வடிவமைக்கப்பட்ட நோக்கியா ஆஷா 200, தற்போது இந்தியாவில் விற்பனைக்கு வந்துள்ளது. சென்ற அக்டோபரில், பன்னாட்டளவில் அறிவிக்கப்பட்டு, இந்தியாவில் டிசம்பரில் அறிமுகம் செய்யப் பட்டது. வர்த்தக ரீதியான விற்பனை சென்ற வாரம் தொடங்கியது. இதன் அதிக பட்ச விலை ரூ. 4,349. நோக்கியா இரண்டு சிம் பயன்பாட்டுடன் கொண்டு வரும் மாடல்களிலும் தன் சிறப்பான அம்சத்தை வழங்குகிறது. இந்த போனை ஸ்விட்ச் ஆப் செய்திடாமலேயே, சிம் கார்டினை மாற்றலாம். மெமரியை 32 ஜிபி வரை நீட்டிக்கலாம். இரண்டு சிம்களுக்கும் டூயல் ஸ்டேண்ட் பை தரப்பட்டுள்ளது. இதன் திரை 320X240 பிக்ஸெல் திறன் கொண்டது. இரண்டு மெகா பிக்ஸெல் கேமரா, எப்.எம். ரேடியோ, 3.5 ஆடியோ ஜாக், புளுடூத், 1,430 mAh திறன் கொண்ட பேட்டரி ஆகியவை கிடைக்கின்றன.
நோக்கியா எஸ் 40 ஆப்பரேட்டிங் சிஸ்டத்தில் இயங்குகிறது. ஒரு பட்டன் அழுத்தத்தில் இமெயில் பார்க்கலாம். நோக்கியா மெசேஜிங் மற்றும் நோக்கியா பிரவுசர் வசதிகள் கிடைக்கின்றன. இதில் தரப்பட்டுள்ள சிம் கார்ட் மேனேஜ்மெண்ட் புரோகிராம் மூலம் 5 சிம் கார்டுகளுக்கான செட்டிங்ஸ் மேற் கொள்ளலாம். இந்த மொபைல் போன் நான்கு வகையான வண்ணங்களில் கிடைக்கிறது.
மேலும் சந்தையில் புதுசு செய்திகள்
|
Advertisement
|
Advertisement
|
Advertisement
|
|
|
|