பதிவு செய்த நாள்
27 ஜன2012
02:16
புதுடில்லி:சென்ற 2011ம் ஆண்டில், இந்தியாவின் உருக்கு உற்பத்தி, 5.7 சதவீதம் உயர்ந்து 7.22 கோடி டன்னாக அதிகரித்துள்ளது. இது, 2010ம் ஆண்டு 6.83 கோடி டன்னாக இருந்தது. இதே ஆண்டுகளில், சர்வதேச உருக்கு உற்பத்தி, 6.8 சதவீதம் உயர்ந்து 152.7 கோடி டன்னாக அதிகரித்துள்ளது. உலகளவில் உருக்கு உற்பத்தியில் சீனா முதலிடத்தில் உள்ளது. அடுத்த இடங்களில் ஜப்பான், அமெரிக்கா, இந்தியா ஆகிய நாடுகள் உள்ளன.
சென்ற ஆண்டு, சீனாவின் உருக்கு உற்பத்தி, 8.9 சதவீதம் வளர்ச்சி கண்டு, 69.55 கோடி டன்னாக அதிகரித்துள்ளது. அமெரிக்காவின் உருக்கு உற்பத்தி, 7.1 சதவீதம் வளர்ச்சியடைந்து, 10.80 கோடி டன்னாக உயர்ந்துள்ளது. அதேசமயம், ஜப்பானின் உருக்கு உற்பத்தி, 1.8 சதவீதம் குறைந்து, 10.80 கோடி டன்னாக சரிவடைந்துள்ளது.
நடப்பு நிதியாண்டின் ஏப்ரல் முதல் டிசம்பர் வரையிலான ஒன்பது மாத காலத்தில், இந்தியாவில், விற்பனைக்கான உருக்கு உற்பத்தி, 7.5 சதவீதம் உயர்ந்து, 5.2 கோடி டன்னாக அதிகரித்துள்ளது.இதே காலத்தில், உருக்கு பயன்பாடு, 4.4 சதவீதம் வளர்ச்சி கண்டு, 4.86 கோடி டன்னிலிருந்து, 5.08 கோடி டன்னாக உயர்ந்துள்ளது.
ஏற்றுமதி, 22.7 சதவீதம் உயர்ந்து, 24.60 லட்சம் டன்னிலிருந்து, 30.20 லட்சம் டன்னாக அதிகரித்துள்ளது. அதேசமயம், உருக்கு இறக்குமதி, 10.2 சதவீதம் குறைந்து, 53 லட்சம் டன்னிலிருந்து, 48 லட்சம் டன்னாக சரிவடைந்துள்ளது. நடப்பு நிதியாண்டின் முதல் அரையாண்டில், கட்டுமானம், மோட்டார் வாகனம் போன்ற துறைகளில், மந்த நிலை ஏற்பட் டதால், உருக்கு பயன்பாடு மந்தமடைந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|