பதிவு செய்த நாள்
27 ஜன2012
09:55
பெங்களூரு : எரிபொருள் சிக்கனம், கார்பன் மோனாக்சைடு புகை வெளியேற்றம் குறைவு என, சுற்றுச்சூழல் மாசடையாமல் தடுக்கவல்ல வசதிகளுடன் கூடிய, "ஹைபிரிட் ' பஸ்கள், நாட்டில் முதல் முறையாக, பெங்களூருவில் அறிமுகப்படுத்தப்படுகின்றன.
நகரங்களில் இயக்கப்படும் பெரும்பாலான பஸ்கள், சுற்றுப்புறச் சூழலுக்கு கேடு விளைவிக்கும் கார்பன் மோனாக்சைடு வாயுவை, அதிகளவு வெளியேற்றுகின்றன. இதை தவிர்க்க, வோல்வா நிறுவனம் புதிதாக ஹைபிரிட் ரக, வோல்வா 7700 என்ற பெயரில், பஸ்களை உருவாக்கி உள்ளது.
இவ்வகை பஸ்கள், சமீபத்தில் டில்லியில் நடந்த எக்ஸ்போ கண்காட்சியில், பார்வைக்கு வைக்கப்பட்டிருந்தன. இப்பஸ்சில், 105 இருக்கைகளும், 37 சதவீதம் எரிபொருள் சிக்கனமும், பிற வாகனங்களில் இருந்து வெளியேற்றப்படும் கார்பன் மோனாக்சைடு புகையை விட, 50 சதவீதம் அளவுக்கு குறைவாக வெளியேற்றுதல், ஆகிய வசதிகளை கொண்டுள்ளது.
மேலும், இப்பஸ் மின்சாரம் மற்றும் டீசலில் இயங்கவல்லது. மேலும், இப்பஸ்களின் முன்சக்கரங்களை இயக்குவது போலவே, பின் சக்கரங்களையும் ஸ்டியரிங்கிற்கு ஏற்ப இயக்க முடியும். இவ்வகை பஸ்கள் ஏற்கனவே, 20 நாடுகளில் அறிமுகப்படுத்தப்பட்டுள்ளன. பெங்களூரில், முதல் கட்டமாக, இரு பஸ்கள் சோதனை அடிப்படையில், விரைவில் இயக்கப்பட உள்ளன.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|