நஷ்டத்தை ஈடு செய்வதற்காக, மொபைல் போன் கோபுரங்களை, தனியார் தொலைத் தொடர்பு நிறுவனங்களுடன் பகிர்ந்து கொள்ள, பி.எஸ்.என்.எல்., நிறுவனம் முடிவு செய்துள்ளது.நஷ்டத்தை ஈடு கட்ட:பி.எஸ்.என்.எல்., நிறுவனம், நாடு முழுவதும், 60 ஆயிரத்திற்கும் மேற்பட்ட மொபைல் போன் கோபுரங்களையும், தமிழக அளவில், 8,754 கோபுரங்களையும் நிறுவி உள்ளது.இவற்றின் அமைப்பு மற்றும் பராமரிப்பிற்காக, வருவாயில், 30 சதவீதம் வரை, இந்நிர்வாகம் செலவிடுகிறது. இதைத் தவிர்க்கும் பொருட்டும், நஷ்டத்தை ஈடு செய்யும் வகையிலும், நடப்பு நிதியாண்டிற்குள், மொபைல் போன் கோபுரங்களை, தனியார் தொலைத் தொடர்பு நிறுவனங்களுடன் பகிர்ந்து கொள்ள முடிவு செய்துள்ளதாக தெரிகிறது.
ஒப்பந்தம்: இதற்காக, டாடா டெலி சர்வீசஸ், வீடியோகான் டெலி கம்யூனிகேஷன்ஸ், எடிசாலட் டி.பி., டெலிகாம் சர்வீசஸ், பார்தி ஏர்டெல், ஏர்செல் மற்றும் ரிலையன்ஸ் கம்யூனிகேஷன்ஸ் ஆகிய தொலைத்தொடர்பு சேவை நிறுவனங்களுடன், பி.எஸ்.என்.எல்., நிர்வாகம் ஒப்பந்தம் செய்துள்ளது.ஒரு மொபைல் போன் கோபுரம் அமைந்துள்ள இடம், அதைப் பகிர்ந்து கொள்ளும் தொலைத் தொடர்பு சேவை நிறுவனங்களின் எண்ணிக்கை ஆகியவற்றை பொறுத்து, மாதத்திற்கு, 30 ஆயிரம் ரூபாய் வரை கிடைக்க வாய்ப்புள்ளது.
"வருவாய் அதிகரிக்கும்': இதன் மூலம், அடுத்த நிதியாண்டில், தன் வருவாயில், 1,000 கோடி ரூபாய் வரை அதிகரிக்க, பி.எஸ்.எல்.என்., நிர்வாகம் திட்டமிட்டுள்ளது. இந்நிறுவனம், 2009-10ம் நிதியாண்டில், 1,823 கோடி ரூபாயும், கடந்த நிதியாண்டில், 6,000 கோடி ரூபாயும், நஷ்டத்தை சந்தித்துள்ளது. பெயர் வெளியிட விரும்பாத, பி.எஸ்.என்.எல்., அதிகாரி ஒருவர் கூறுகையில், ""பி.எஸ்.என்.எல்., நிர்வாகத்தின், தாமதமான இம்முடிவு வரவேற்கத்தக்கது. இதன்மூலம், மொபைல் போன் வாடிக்கையாளர்களுக்கு, "சிக்னல்' பிரச்னை எதுவும் ஏற்படாது. மாறாக, பி.எஸ்.என்.எல்., வருவாய் அதிகரிக்கும்'' என்றார்

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 01,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 01,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 01,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 01,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 01,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்