பதிவு செய்த நாள்
04 பிப்2012
00:04
தகவல் தொழில்நுட்பத் துறையைச் சேர்ந்த ஹெக்ஸாவேர் டெக்னாலஜிஸ் நிறுவனம், சென்ற டிசம்பர் மாதத்துடன் நிறைவடைந்த நான்காவது காலாண்டில், 88.20 கோடி ரூபாயை வரிக்கு பிந்தைய லாபமாக ஈட்டியுள்ளது. இது, இதற்கு முந்தைய மூன்றாவது காலாண்டை விட, 36.40 சதவீதம் (39.60 கோடி ரூபாய்) அதிகம்.இதே காலாண்டுகளில், இந்நிறுவனத்தின் மொத்த வருவாய், 18 சதவீதம் வளர்ச்சி கண்டு, 432 கோடி ரூபாயாக உயர்ந்துள்ளது. இது, முந்தைய நிதியாண்டின் நான்காவது காலாண்டை விட, 44 சதவீதம் அதிகமாகும்.கடந்த 2011ம் நிதியாண்டில், இந்நிறுவனத்தின் நிகர லாபம், முந்தைய நிதியாண்டைவிட, 148 சதவீதம் அதிகரித்து, 267 கோடி ரூபாயாகவும், வருவாய், 37.5 சதவீதம் வளர்ச்சிகண்டு, 1,450 கோடி ரூபாயாகவும் உயர்ந்துள்ளது.இந்நிறுவனம், அதன் பங்குதாரர்களுக்கு, 75 சதவீத இறுதி டிவிடெண்டை அறிவித்துள்ளது. வழங்கப்பட்ட, 25 சதவீத இடைக்கால டிவிடெண்டையும் சேர்த்தால், மொத்தம், 100 சதவீதமாகும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|