புதுடில்லி:நடப்பு 2011-12ம் நிதியாண்டில், நாட்டின் பொருளாதார வளர்ச்சி, கடந்த மூன்று ஆண்டுகளில் இல்லாத அளவாக, 6.9 சதவீதமாக குறையும் என மத்திய புள்ளியியல் அலுவலகம் மதிப்பிட்டுள்ளது. இது, கடந்த 2010-11ம் நிதியாண்டில், 8.4 சதவீதம் என்ற அளவில் அதிகரித்து காணப்பட்டது.
பொறியியல், வேளாண், சுரங்கம் போன்ற துறைகளின் உற்பத்தி வளர்ச்சி சரிவடைந்து போயுள்ளதே, மொத்த உள்நாட்டு உற்பத்தி (ஜி.டீ.பி) குறைவிற்கு முக்கிய காரணம் என தெரிவிக்கப்பட்டுள்ளது.நடப்பு நிதியாண்டில், வேளாண் மற்றும் அது சார்ந்த துறைகளின் வளர்ச்சி 2.5 சதவீதமாக இருக்கும் என மதிப்பிடப்பட்டுள்ளது.
இது, கடந்த நிதியாண்டில், 7 சதவீதமாக மிகவும் அதிகரித்து காணப்பட்டது. இதே ஆண்டுகளில், நாட்டின் பொறியியல் துறை வளர்ச்சி 7.6 சதவீதம் என்ற அளவிலிருந்து, 3.9 சதவீதமாக சரிவடையும் என எதிர்பார்க்கப்படுகிறது.இது தவிர, சுரங்கத் துறை வளர்ச்சி 5 சதவீதத்திலிருந்து, -2.2 சதவீதமாகவும், கட்டுமான துறை வளர்ச்சி, 8 சதவீதத்திலிருந்து, 4.8 சதவீதமாகவும் குறையும் என மதிப்பீடு செய்யப்பட்டுள்ளது.
மேலும், நடப்பு நிதியாண்டில் நிதி, காப்பீடு, ரியல் எஸ்டேட் மற்றும் வர்த்தக சேவை துறைகளின் வளர்ச்சி 9.1 சதவீதமாக இருக்கும் என கணக்கிடப்பட்டுள்ளது. இது, கடந்த நிதியாண்டில் 10.4 சதவீதம் என்ற அளவில் உயர்ந்து காணப்பட்டது.எனினும் மின்சாரம், குடிநீர் மற்றும் எரிவாயு போன்ற துறைகளின் வளர்ச்சி 8.3 சதவீதமாக உயரும் என மதிப்பீடு செய்யப்பட்டுள்ளது.இது, கடந்த நிதியாண்டில் 3 சதவீதம் என்ற அளவில் குறைந்து காணப்பட்டது.
மேலும், ஓட்டல், போக்குவரத்து, தொலைத்தொடர்பு உள்ளிட்ட துறைகளின் வளர்ச்சி 11.1 சதவீதத்திலிருந்து, 11.2 சதவீதமாகவும், சமூகம் சார்ந்த மற்றும் தனிநபர் சேவை வளர்ச்சி 4.5 சதவீதத்திலிருந்து, 5.9 சதவீதமாகவும் உயரும் என அறிக்கையில் தெரிவிக்கப்பட்டுள்ளது. ரிசர்வ் வங்கி, கடந்த மாதம் வெளியிட்ட அதன் காலாண்டு நிதி ஆய்வுக் கொள்கையில், இந்தியாவின் பொருளாதார வளர்ச்சி நடப்பாண்டில் 7 சதவீதம் என்ற அளவில் இருக்கும் என மறுமதிப்பீடு செய்திருந்தது. ஆனால், அதை விட குறைவாக, மத்திய புள்ளியல் அலுவலக மதிப்பீடு உள்ளது என்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 08,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 08,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 08,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 08,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 08,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்