மும்பை,: நாட்டின் பங்கு வியாபாரம் வியாழக்கிழமையன்று சிறப்பாக இருந்தது. சர்வதேச நிலவரங்களாலும், லாப நோக்கம் கருதி பங்குகள் விற்பனை செய்யப்பட்டதாலும், முந்தைய மூன்று நாட்களில் பங்குச் சந்தை ஏற்ற இறக்கத்துடன் காணப்பட்டது.இந்நிலையில், நேற்று கிரீஸ் நாட்டு கடன் பிரச்னைக்கு தீர்வு காணப்படும் சூழல் உருவானதால், ஐரோப்பிய பங்குச் சந்தைகளில் வர்த்தகம் சூடுபிடித்தது. இதன் தாக்கம் இந்திய பங்குச் சந்தைகளிலும் எதிரொலித்தது. ரியல் எஸ்டேட், மோட்டார் வாகனம், உலோகம், வங்கி உள்ளிட்ட பல துறைகளைச் சேர்ந்த நிறுவனப் பங்குகள் அதிக விலைக்கு கைமாறின. எண்ணெய், எரிவாயு, பொறியியல், ஆரோக்கிய பராமரிப்பு ஆகிய துறைகளைச் சேர்ந்த நிறுவனப் பங்குகளுக்கு தேவை குறைவாக இருந்தது.மும்பை பங்குச் சந்தையின் குறியீட்டு எண், வர்த்தகம் முடியும் போது, 123.43 புள்ளிகள் அதிகரித்து, 17,830.75 புள்ளிகளில் நிலைபெற்றது. வர்த்தகத்தின் இடையே இப்பங்குச் சந்தையின் குறியீட்டு எண், அதிகபட்சமாக, 17,879.46 புள்ளிகள் வரையிலும், குறைந்தபட்சமாக, 17,609.43 புள்ளிகள் வரையிலும் சென்றது. "சென்செக்ஸ்' கணக்கிட உதவும், 30 நிறுவனங்களுள், 21 நிறுவனப் பங்குகளின் விலை உயர்ந்தும், 9 நிறுவனப் பங்குகளின் விலை குறைந்தும் இருந்தது.தேசியப் பங்குச் சந்தையின் குறியீட்டு எண் "நிப்டி' 44.20 புள்ளிகள் உயர்ந்து, 5,412.35 புள்ளிகளில் நிலைகொண்டது. இது கடந்த ஆறு மாதங்களுக்கு பிறகு காணப்பட்ட உயர்வாகும். வர்த்தகத்தின் இடையே இப்பங்குச் சந்தையின் குறியீட்டு எண் அதிகபட்சமாக, 5,423.40 புள்ளிகள் வரையிலும், குறைந்தபட்சமாக, 5,338.90 புள்ளிகள் வரையிலும் சென்றது.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 10,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 10,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 10,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 10,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 10,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்