பதிவு செய்த நாள்
25 பிப்2012
01:52
புதுடில்லி:நடப்பு 2012ம் ஆண்டில் நாட்டின் தங்கம் இறக்குமதி 770 டன்னாக சரிவடையும் என எதிர்பார்க்கப்படுகிறது. கடந்த 2011ம் ஆண்டில் தங்கம் இறக்குமதி 967 டன்னாக இருந்தது என்பது குறிப்பிடத்தக்கது.
சர்வதேச அளவில் ஏற்பட்ட பொருளாதார நெருக்கடியால் கடந்த 2008ம் ஆண்டில், நாட்டின் தங்கம் இறக்குமதி அதற்கு முந்தைய ஆண்டைய விட 14.17 சதவீதம் குறைந்து 660.20 டன்னாக சரிவடைந்திருந்தது. அதற்கு பிறகு, நடப்பாண்டில்தான் தங்கம் இறக்குமதி குறையும் என மதிப்பிடப்பட்டுள்ளது.
தங்கம் இறக்குமதி குறைவிற்கு பல்வேறு காரணங்கள் கூறப்பட்டாலும், நாட்டின் பங்கு வர்த்தகம் நடப்பு ஆண்டு ஜனவரி மாதம் முதல் இதுவரையி நிறுவனப் பங்குகளில் முதலீடு அதிகரித்தையடுத்து, தங்கம் மற்றும் வெள்ளி உள்ளிட்ட மதிப்புமிகு உலோகங்களில் முதலீடு செய்வது குறைந்துள்ளதாக கூறப்படுகிறது. இதற்கு எடுத்துக்காட்டாக நடப்பு ஆண்டில் இதுவரையிலுமாக, தங்கத்தின் மீதான முதலீட்டு ஆதாயம் 5சதவீதம் மட்டுமே உயர்ந்துள்ளது.
அதேசமயம், நடப்பாண்டில் சீனாவில் தங்கத்திற்கானதேவை, கடந்த ஆண்டை விட 20சதவீதம் அதிகரிக்கும் என உலக தங்க கவுன்சில் மதிப்பீட்டுள்ளது. கடந்த ஆண்டில் சீனாவின் தங்கப் பயன்பாடு 811 டன்னாக இருந்தது.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|