பதிவு செய்த நாள்
26 மார்2012
00:13
புதுடில்லி:ஜப்பான் நாட்டைச் சேர்ந்த சுசூகி மோட்டார் கார்ப்பரேஷனின் துணை நிறுவனம், சுசூகி மோட்டார் சைக்கிள் இந்தியா. இந்நிறுவனம், ஹரியானா மாநிலத்தில், 2,000 கோடி ரூபாய் திட்ட செலவில், புதிதாக இரு சக்கர வாகனங்கள் தயாரிப்பு தொழிற்சாலை ஒன்றை துவங்கவுள்ளது.
இதற்காக, ஹரியானா மாநில அரசு, 50 ஏக்கர் நிலத்தை ஒதுக்கீடு செய்துள்ளது. இந்நிறுவனத்தின், புதிய தொழிற்சாலை, முழு அளவில் செயல்படும் போது, ஆண்டுக்கு, 20 லட்சம் இரு சக்கர வாகனங்கள் தயாரிக்கும் திறன் கொண்டதாக இருக்கும். இது, பல்வேறு கட்டங்களாக அமல்படுத்தப்பட உள்ளது.
இத்தொழிற்சாலையின் முதல் கட்ட பணி, 2014ம் ஆண்டு நிறைவடையும் போது, ஆண்டுக்கு, ஐந்து லட்சம் வாகனங் களை தயாரிக்கும் திறன் கொண்டதாக இருக்கும் என, இந்நிறுவனத்தின் உயரதிகாரி ஒருவர் தெரிவித்தார்.அவர் மேலும் கூறும்போது, "இந்தியாவில், இரு சக்கர வாகனங்கள் துறை சிறப்பான அளவில் வளர்ச்சி கண்டு வருகிறது. இதை கருத் தில் கொண்டே நிறுவனம், விரிவாக்கத் திட்டத்தை மேற்கொள்ள உள்ளது. மானேசரில் உள்ள நிறுவனத்தின் தொழிற் சாலை, ஆண்டுக்கு, 10 லட்சம் இரு சக்கர வாகனங்களை தயாரிக்கும் திறனுடன் செயல்பட்டு வருகிறது' என்றார்.
சுசூகியின் துணை நிறுவனமாக, கார் தயாரிப்பில் ஈடுபட்டு வரும், மாருதி சுசூகி விளங்குகிறது. இந்நிறுவனத்தின், கார் உற்பத்தி மற்றும் அசெம்பிளி பிரிவில், சுசூகி நிறுவனம்,இதுவரை, 15 ஆயிரம் கோடி ரூபாய் முதலீடு செய்துள்ளது. சுசூகி நிறுவனத்திற்கு, கூர்கான் மற்றும் ஹரியானா மாநிலம் மானேசரில், இரு சக்கர வாகனங்கள் தயாரிப்பு தொழிற் சாலையும், டீசல் இன்ஜின் தொழில் பிரிவும் உள்ளன.
மேலும், சுசூகி நிறுவனம், மானேசரில் உள்ள கார் தொழிற்சாலையின் விரிவாக்கத்திற்காகவும், ரோட்டாவில் உள்ள ஆராய்ச்சி மற்றும் மேம்பாட்டு பிரிவிற்காகவும், 6,000 கோடி ரூபாயை முதலீடு செய்ய உள்ளது. மாருதி சுசூகி, ஹரி யானா மாநிலத்திற்கு வெளியில், குஜராத்தில் ஆண்டுக்கு, 20 லட்சம் கார்கள் தயாரிக்கும் வகையில், கார் தொழிற்சாலை ஒன்றை அமைக்க முடிவு செய்துள்ளது. இத்தொழிற்சாலை, 2015ம் ஆண்டிற்கு பிறகு செயல்பாட்டிற்கு வரும் என எதிர்பார்க்கப்படுகிறது.
ஹரியானா மாநிலத்தில், தற்போது, ஹீரோ மோட்டார்கார்ப், ஹோண்டா மோட்டார் அண்டு ஸ்கூட்டர் மற்றும் அமெரிக்காவைச் சேர்ந்த மோட்டார் சைக்கிள் நிறுவனமான, ஹார்லி டேவிட்சன் ஆகிய நிறுவனங்களின் வாகனத் தயாரிப்பு தொழிற்சாலைகள் உள்ளன என்பது குறிப்பிடத்தக்கது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|