சென்னை: வரும் ஆண்டில், மதுபானங்கள் மூலம் அரசுக்கு, 20 ஆயிரம் கோடி ரூபாய் வரி வருவாய் வர வேண்டுமென, இலக்கு நிர்ணயிக்கப்பட்டுள்ளது.
"டாஸ்மாக்' கடைகள் மற்றும் இதர வகைகளில், மது விற்பனை மூலம், அரசுக்கு ஆயத்தீர்வை மூலமும், விற்பனை வரி மூலமும் வருவாய் கிடைத்து வருகிறது. ஆயத்தீர்வை மூலம், ஆண்டுக்கு வரி வருவாய், 16 சதவீதம் அதிகரித்து வந்துள்ளது. கடந்த 2010-11ம் ஆண்டில், ஆயத்தீர்வை மூலம், 8115 கோடியே 90 லட்ச ரூபாயும், விற்பனை வரி மூலம், 6,849 கோடியே 52 லட்ச ரூபாயும் என, மது விற்பனை மூலம் மட்டும் அரசுக்கு, 14 ஆயிரத்து 965 கோடியே 42 லட்ச ரூபாய் கிடைத்தது. இந்நிலையில், நடப்பு ஆண்டுக்கு, 17 ஆயிரத்து 500 கோடி ரூபாய் என இலக்கு நிர்ணயிக்கப்பட்டுள்ளது. இதில், ஆயத்தீர்வை மூலம் மட்டும், 9,891 கோடி ரூபாய் வர வேண்டுமென இலக்கு நிர்ணயிக்கப்பட்டது. வரும் நிதியாண்டில், இந்த இலக்கு இன்னும் அதிகரிக்கப்பட்டு, 20 ஆயிரம் கோடி ரூபாயாக நிர்ணயிக்கப்பட்டுள்ளது. இதில், ஆயத்தீர்வை மூலம் மட்டும், 11 ஆயிரத்து 473 கோடி ரூபாய் வரவேண்டுமென இலக்கு நிர்ணயிக்கப்பட்டுள்ளது. தரமான மது வகைகள் விற்பனை, சரியான விலைக்கு விற்பனை, பார்களில் கூடுதல் விலை, டாஸ்மாக் நிர்வாகத்தில் ஊழல் போன்றவற்றை சரி செய்தால் மட்டுமே இந்த இலக்கை அடைய முடியும். இல்லாவிட்டால், வேறு வகையான போதைகளை மக்கள் தேடிப் போகவும் வாய்ப்புள்ளது.
அபகரிக்கப்பட்ட ரூ.724.22 கோடி நிலங்கள் மீட்பு: தமிழகத்தில் கடந்த தி.மு.க., ஆட்சிக் காலத்தில் அதிகளவில் தனியார் நிலங்கள் ஆக்கிரமிப்பு மற்றும் அபகரிப்பு செய்யப்பட்டதாக புகார்கள் எழுந்தன. இதில், தற்போதய அரசு சிறப்பு கவனம் செலுத்தி வருகிறது. இம்மாத நிலவரப்படி, தமிழகம் முழுவதும் 30,071 நில அபகரிப்பு புகார்கள் பதிவாகியுள்ளன. புகார்கள் மீது நடவடிக்கை எடுக்கப்பட்டு, 724.22 கோடி ரூபாய் மதிப்பு நிலங்கள் மீட்கப்பட்டுள்ளன.
போலீசை நவீனப்படுத்த பணம் இல்லை: காவல் துறை நவீனமயமாக்கல் திட்டத்தின் கீழ், நவீன ஆயுதங்கள், போக்குவரத்து போலீசுக்கான உபகரணங்கள் வாங்குவதற்கு, சி.சி.டி.என்.எஸ்., திட்டம் உள்ளிட்டவற்றிற்கு கடந்த 2011-12ம் ஆண்டு திருத்த பட்ஜெட்டில் இத்திட்டத்தில், 54 கோடி ரூபாய் ஒதுக்கப்படுவதாக அறிவிக்கப்பட்டது. தற்போது வரை இத்திட்டத்திற்கு மத்திய, மாநில அரசுகள் சேர்ந்து 77.29 கோடி ரூபாய் ஒதுக்கியுள்ளது. ஆனால், இந்தாண்டில் காவல் துறை நவீனமயமாக்கல் திட்டத்திற்கான ஒதுக்கீடு பட்ஜெட்டில் குறிப்பிடப்படவில்லை.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 27,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 27,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 27,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 27,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 27,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்