பதிவு செய்த நாள்
28 மார்2012
00:10
புதுடில்லி: சென்ற பிப்ரவரி மாதத்தில், உலக உருக்கு உற்பத்தி, 11.90 கோடி டன்னாக அதிகரித்துள்ளது. இது, இதற்கு முந்தைய ஆண்டின் இதே மாதத்தில் மேற்கொள்ளப்பட்ட உற்பத்தியை விட, 1.9 சதவீதம் அதிகம் என, உலக உருக்கு உற்பத்தி கூட்டமைப்பு தெரிவித்துள்ளது.மதிப்பீட்டு காலத்தில், சீனாவின் உருக்கு உற்பத்தி, 3.3 சதவீதம் வளர்ச்சிகண்டு, 5.60 கோடி டன்னாக அதிகரித்துள்ளது. அமெரிக்காவின் உருக்கு உற்பத்தி, 8.5 சதவீதம் வளர்ச்சிகண்டு, 73 லட்சம் டன்னாகவும், பிரேசில் நாட்டின் உருக்கு உற்பத்தி, 3.4 சதவீதம் உயர்ந்து, 28 லட்சம் டன்னாகவும் உயர்ந்துள்ளது.தென் கொரியாவின் உருக்கு உற்பத்தி, 7.6 சதவீதம் வளர்ச்சிகண்டு, 54 லட்சம் டன்னாக அதிகரித்துள்ளது.மேலும், ஐரோப்பிய கூட்டமைப்பு மற்றும் ஜெர்மன் நாடுகளின் உருக்கு உற்பத்தி, 36 லட்சம் டன்னாக உயர்ந்துள்ளது. பிரான்ஸ் மற்றும் ஸ்பெயின் நாடுகள் முறையே, 13 லட்சம் டன் மற்றும் 12 லட்சம் டன் உருக்கு உற்பத்தி செய்துள்ளன. அதேசமயம், ஜப்பானின் உருக்கு உற்பத்தி, 3.7 சதவீதம் சரிவடைந்து, 86 லட்சம் டன்னாக குறைந்துள்ளது என, அந்த கூட்டமைப்பு மேலும் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|