புதுடில்லி: வெளிநாடுகளில் இருந்து, மருத்துவ சிகிச்சைக்காக இந்தியா வரும் பயணிகளின் எண்ணிக்கை வரும் 2020ம் ஆண்டில் 24 லட்சமாக உயரும் என, ஆய்வு நிறுவனமொன்று தெரிவித்துள்ளது. இது, கடந்த 2010ம் ஆண்டு நிலவரப்படி 6 லட்சமாக இருந்தது.ஆயுர்வேதம்இந்தியாவில் பன்முக சிறப்பு மருத்துவமனைகள் பல உள்ளன. திறமையான மருத்துவர்களும், சிகிச்சை செலவு குறைவாக உள்ளதாலும், ஏராளமான வெளிநாட்டினர் இந்தியாவில் சிகிச்சை பெற அதிக அளவில் வருகின்றனர். உலகில் வேறெங்கும் இல்லாத வகையில், ஆயுர்வேத மருத்துவத்திலும் இந்தியா சிறந்து விளங்குகிறது. இதன் காரணமாகவும், அயல்நாடுகளில் இருந்து இச்சிகிச்சைக்காக வருவோரின் எண்ணிக்கை அதிகரித்து வருகிறது.இதனால், வரும் 2025ம் ஆண்டில், மருத்துவ சுற்றுலா துறை, 49 லட்சத்திற்கும் மேலான அயல்நாட்டினரை ஈர்க்கும் என, ஆய்வறிக்கையில் தெரிவிக்கப்பட்டுள்ளது.இந்தியாவில் மருத்துவ சிகிச்சை பெறுவதற்காக வருவோரில், 55 சதவீதம் பேர் ஆப்ரிக்கா மற்றும் மேற்கு ஆசியாவில் இருந்து வருகின்றனர். கடந்த 2010ம் ஆண்டு நிலவரப்படி, இந்திய மருத்துவ சுற்றுலா துறையின் சந்தை மதிப்பு 4,500 கோடி ரூபாயாக உள்ளது. இது, வரும் 2020ம் ஆண்டில், 62 ஆயிரம் கோடி ரூபாயை தாண்டும் என்றும், 2025ம் ஆண்டில் இது, 2 லட்சம் கோடி ரூபாயை எட்டும் என்றும் மதிப்பிடப்பட்டுள்ளது.இத்துறை, அடுத்த, 15 ஆண்டுகளில் 30 சதவீதம் வளர்ச்சி காணும் என்று எதிர்பார்க்கப்படுகிறது.கடந்த 2010ம் ஆண்டில், டெல்லி அருகேயுள்ள தேசிய தலைநகர பிராந்தியத்தில், அப்போலோ ஆஸ்பிட்டல்ஸ், போர்டிஸ் ஹெல்த்கேர் மற்றும் மேக்ஸ் ஹெல்த்கேர் ஆகிய மூன்று மருத்துவமனைகளில் மட்டும் அயல்நாடுகளை சேர்ந்த, 15 ஆயிரத்து 500 நோயாளிகளுக்கு சிகிச்சை அளிக்கப்பட்டுள்ளன. @மற்கு ஆசிய நாடுகள்இதில், 25 சதவீதத்திற்கும் மேற்பட்டோர், மேற்கு ஆசிய நாடுகளில் இருந்து போர்டிஸ் மற்றும் மேக்ஸ் மருத்துவமனைகளில் சிகிச்சை பெற்றுள்ளனர். இப்பிராந்தியத்தில் இருந்து வந்தவர்களில், 5ல் ஒரு பங்கு நோயாளிகள், அப்போலோ மருத்துவமனையில் சிகிச்சை பெற்றுள்ளனர்.குறைந்த செலவுஇந்தியாவில் அதிநவீன வசதிகள் கொண்ட மருத்துவமனைகள் அதிகரித்து வருவதும், குறைந்த செலவில் இதய அறுவை சிகிச்சை மேற்கொள்ளப்படுவதும், அயல்நாட்டினரை வெகுவாக ஈர்க்கும் அம்சங்களாக உள்ளன.குறிப்பாக, அமெரிக்காவில் இதயநோய்க்கான பைபாஸ் அறுவை சிகிச்சைக்கு 70 ஆயிரம் டாலர் முதல் 1 லட்சத்து 33 ஆயிரம் டாலர் வரை (35 - 66 லட்சத்து 50 ஆயிரம் ரூபாய் வரை) செலவாகிறது. தாய்லாந்து, சிங்கப்பூர் போன்ற இதர நாடுகளில், 16 ஆயிரம் முதல் 20 ஆயிரம் டாலர் வரை (8-10 லட்சம் ரூபாய் வரை) செலுத்த வேண்டியுள்ளது. ஆனால், இந்தியாவில் இச்சிகிச்சையை 7,000 டாலர் (3 லட்சத்து 50 ஆயிரம் ரூபாய்) செலவில் செய்து கொள்ள முடியும் என்பது குறிப்பிடத்தக்கது. அதுபோன்று, இதய வால்வு மாற்று அறுவை சிகிச்சைக்கு அமெரிக்காவில் 75 ஆயிரம் முதல் 1 லட்சத்து 40 ஆயிரம் டாலர் வரையிலும் (37 லட்சத்து 50 ஆயிரம் முதல் 70 லட்சம் ரூபாய்), தாய்லாந்து, சிங்கப்பூர் நாடுகளில் 22 ஆயிரம் முதல் 25 ஆயிரம் டாலர் வரையிலும் (11 லட்சம் முதல் 12 லட்சத்து 50 ஆயிரம் ரூபாய் வரை) கட்டணம் வசூலிக்கப்படுகிறது.ஆனால், இந்தியாவில் 9,500 டாலர் (4 லட்சத்து 75 ஆயிரம் ரூபாய்) செலவில் இச்சிகிச்சையை மேற்கொள்ள முடியும். இடுப்பு அல்லது மூட்டு மாற்று அறுவை சிகிச்சைக்கு, அமெரிக்காவில் 30 ஆயிரம் முதல் 55 ஆயிரம் டாலர் (15 லட்சம் முதல் 27 லட்சத்து 50 ஆயிரம்) வரையும், தாய்லாந்து, சிங்கப்பூர் நாடுகளில் 9,000 முதல் 12 ஆயிரம் டாலர் (4 லட்சத்து 50 ஆயிரம் முதல் 6 லட்சம் ரூபாய் ) வரையும் செலவாகிறது. இதே சிகிச்சையை இந்தியாவில் 7,200 டாலர் செலவில் செய்து கொள்ள முடிவதால், வெளிநாட்டினர் பலர் நம்நாட்டிற்கு வருகின்றனர்.அறுவை சிகிச்சைமுகத்தை அழகுபடுத்துவதற்கான அறுவை சிகிச்சை செலவும், இதர நாடுகளை விட இந்தியாவில் குறைவாகவே உள்ளது. அமெரிக்காவில், இச்சிகிச்சைக்கு 16 ஆயிரம் டாலர் (8 லட்ச ரூபாய்)செலவாகிறது. இதே முக அறுவை சிகிச்சைக்கு சிங்கப்பூரில் 7,500 டாலரும் (3 லட்சத்து 75 ஆயிரம் ரூபாய்), தாய்லாந்தில் 5,000 டாலரும் (2 லட்சத்து 50 ஆயிரம் ரூபாய்) கட்டணமாக வசூலிக்கப்படுகிறது. ஆனால், இந்தியாவில் 4,800 டாலர் (2 லட்சத்து 40 ஆயிரம் ரூபாய்) செலவில் இச்சிகிச்சையை மேற்கொள்ள முடியும் என்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 19,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 19,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 19,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 19,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 19,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்