பதிவு செய்த நாள்
04 மே2012
10:50
மும்பை: அமெரிக்க டாலருக்கு எதிராக இந்திய ரூபாயின் மதிப்பு தொடர்ந்து சரிவடைந்து வருகிறது, தங்கம் விலை மேலும் உயர வாய்ப்புள்ளது. இன்று அமெரிக்க டாலருக்கு எதிரான இந்திய ரூபாயின் மதிப்பு ரூ.53.72 ஆக உள்ளது. உலக அளவில் தங்கம் பயன்பாடு மற்றும் இறக்குமதியில் இந்தியா முதலிடத்தில் உள்ளது. ரூபாய் மதிப்பு சரிந்து டாலர் மதிப்பு உயர்ந்து வருகிறது. தங்கம் விலை வரலாறு காணாத அளவில் ஒரு பவுன் ரூ.22,000த்தை தாண்டி உள்ளது. ரூபாய் மதிப்பு மேலும் தொடர்ந்து சரிவடைந்தால் ஒரு பவுன் தங்கத்தின் விலை விரைவில் ரூ.25,000த்தை நெருங்க வாய்ப்புள்ளது என மும்பை தங்கம் மற்றும் வெள்ளி வியாபாரிகள் சங்கத்தின் தலைவர் பிரித்விராஜ் கோத்தாரி தெரிவித்துள்ளார். தங்கம் விலை தொடர்ந்து அதிகரித்து வருவதையடுத்து, இவ்வாண்டு அட்சய திருதியை அன்று தங்க நகைகள் விற்பனை மிகவும் குறைந்தது. திருமண காலம் நெருங்கி வருவதையடுத்து அடுத்த இரண்டு மாதங்களில் தங்க நகைகள் விற்பனை அதிகரிக்கும் என வர்த்தக நிபுணர்கள் தெரிவித்துள்ளனர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|