ஏப்ரல் மாத இரண்டாவது வாரத்தில், கம்ப்யூட்டர் துணை சாதனங்கள், மொபைல் போன் மற்றும் நுகர்வோருக்கான எலக்ட்ரானிக்ஸ் சாதனங்களைத் தயாரித்து விற்பனை செய்து வருகிறது இன்டெக்ஸ் டெக்னாலஜிஸ் நிறுவனம். அண்மையில் எடை குறைந்த அழகான மொபைல் போன் ஒன்றை 'யுவா' என்ற பெயரில் விற்பனைக்கு அறிமுகப்படுத்தியுள்ளது. இது அதிக நாட்கள் தாங்கக் கூடிய பேட்டரியுடன், இளைஞர்களின் எதிர்பார்ப்பு மற்றும் விருப்பங்களின் அடிப்படையில் வடிவமைக்கப்பட்டுள்ளதாக இந்நிறுவனம் அறிவித்துள்ளது. கைக்கு அடக்கமாக, அழகாக, ஆனால் அதே சமயத்தில் கூடுமானவரை அனைத்து வசதிகளையும் கொண்டதான மொபைல் போனையே இளைஞர்கள் எதிர்பார்க்கின்றனர்.
யுவா போன், இவர்களின் விருப்பத் தேர்வுக்கேற்ப, தடிமன் மிகக் குறைவாக, அழகாக வடிவமைக்கப்பட்டுள்ளது. இதன் பரிமாணம் 117.3 X 51.5X13 மிமீ. எடை 102கிராம். இரண்டு அலை வரிசைகளில் இயங்குகிறது. இதன் பேட்டரி 8 மணி நேரம் தொடர்ந்து பயன்படுத்தும் வகையில் 2100 mAh திறன் கொண்டதாகத் தரப்படுகிறது. 2.6 அங்குல அகலத்திரை, டிஜிட்டல் ஸூம் வசதியுடன் 1.3 மெகா பிக்ஸெல் திறன் கொண்ட கேமரா உள்ளன. குறிப்பிட்ட எண்ணுக்கு எஸ்.எம்.எஸ். அனுப்புவதன் மூலம், இந்த போனில் உள்ள டேட்டா வினைக் கட்டுப்பாட்டிற்குள் கொண்டு வரலாம். இது வழக்கமான போன்களில் இல்லாத வசதியாகும். இதன் பிளாக் லிஸ்ட் வசதி மூலம் தேவையற்ற அழைப்புகளைத் தடை செய்திடலாம். மேலும், எஸ்.எம்.எஸ். செய்திகளை முன் கூட்டியே தயார் செய்து, குறிப்பிட்ட நேரத்தில் அனுப்புமாறு செட் செய்திடலாம். இதன் வீடியோ மற்றும் ஆடியோ பிளேயர் பலவகை பார்மட் பைல்களைக் கையாள்கிறது. சவுண்ட் ரெகார்டர் மற்றும் எப்.எம். ரேடியோ மல்ட்டி மீடியா வசதிகளைச் சிறப்பாக்குகிறது.
மைக்ரோ எஸ்.டி.கார்ட் மூலம் இதன் மெமரியை 16 ஜிபி வரை அதிகப்படுத்தலாம். புளுடூத் வசதி மூலம் கம்ப்யூட்டருடன் பைல்களை பரிமாறிக்கொள்ளலாம். எல்.இ.டி. டார்ச் ஒன்றும் தரப்பட்டுள்ளது. ஆயிரம் முகவரிகளைக் கொள்ளக் கூடிய முகவரி புக் ஒன்று போனில் தரப்பட்டுள்ளது. மெமரி கார்டிலும் கூடுதலாக முகவரிகளை சேமித்து வைக்கலாம். ஆங்கிலத்துடன் இந்தியிலும் தகவல்களைப் பதியலாம். கருப்பு, வெள்ளை, சில்வர் என மூன்று வண்ணங்களில் இந்த போன் கிடைக்கிறது. இதன் அதிக பட்ச விலை ரூ. 2,890. இன்டெக்ஸ் போன்களை விற்பனை செய்திடும் 15,000 விற்பனையாளர்களிடம் இந்த போனை வாங்கிக் கொள்ளலாம். இன்டெக்ஸ் நிறுவனம் தன் மொபைல் போன்களை மட்டும் விற்பனை செய்திட நாடெங்கும் 70 இன்டெக்ஸ் விற்பனை மையங்கைள திறந்து இயக்கி வருகிறது.

மேலும் சந்தையில் புதுசு செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 07,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 07,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 07,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 07,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 07,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்