பதிவு செய்த நாள்
17 மே2012
23:59
புதுடில்லி: பஜாஜ் ஆட்டோ நிறுவனம், மார்ச் மாதத்துடன் நிறைவடைந்த, நான்காவது காலாண்டில், 772 கோடி ரூபாயை நிகர லாபமாக ஈட்டியுள்ளது. இது, இதற்கு முந்தைய நிதியாண்டின் இதே காலாண்டை விட, 44.85 சதவீதம் (1,400 கோடி ரூபாய்) சரிவாகும்.அதேசமயம், இதே காலாண்டுகளில், இந்நிறுவனத்தின் நிகர விற்பனை 4,030 கோடியிலிருந்து, 4,515 கோடி ரூபாயாக வளர்ச்சி கண்டுள்ளது.சென்ற 2011-12ம் முழு நிதியாண்டில், இந்நிறுவனம், 3,004 கோடி ரூபாயை நிகர லாபமாக ஈட்டியுள்ளது. இது, இதற்கு முந்தைய நிதியாண்டில், 3,340 கோடி ரூபாயாக அதிகரித்து காணப்பட்டது.இதே நிதியாண்டுகளில், இந்நிறுவனத்தின் நிகர விற்பனை, 15 ஆயிரத்து 897 கோடியிலிருந்து, 18 ஆயிரத்து 880 கோடி ரூபாயாக வளர்ச்சி கண்டுள்ளது.இந்நிறுவனம், சென்ற 2011-12ம் நிதியாண்டிற்கு அதன் பங்குதாரர்களுக்கு, 450 சதவீத டிவிடெண்டு வழங்க முடிவு செய்துள்ளது. இதன்படி, 10 ரூபாய் முகமதிப்பு கொண்ட பங்கு ஒன்றிற்கு, 45 ரூபாய் டிவிடெண்டு கிடைக்கும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|