பதிவு செய்த நாள்
27 மே2012
12:15
பொள்ளாச்சி : பொள்ளாச்சிக்கு, மகாராஷ்டிரா பகுதிகளிலிருந்து பெல்லாரி வெங்காயம் வரத்து அதிகரிக்க துவங்கியுள்ளதால், விலை சரிந்துள்ளது. வெங்காயத்தில் மகாராஷ்டிரா சீசன் நடப்பதால், அப்பகுதிகளிலிருந்து சந்தைக்கு வரத்து பொள்ளாச்சிக்கு அதிகரித்துள்ளது. வழக்கமாக, சந்தைக்கு 16 டன் வீதம் ஐந்து லோடு வெங்காயம் வரத்தாக இருக்கும். தற்போது சீசன் துவங்கியுள்ளதால், ஏழு லோடு வெங்காயம் வரத்தாக உள்ளது. இதில், கேரள மாநிலத்திற்கு 75 சதவீதம் பெல்லாரி வெங்காயம் அனுப்பப்படுகிறது.வரத்து அதிகரித்துள்ளதால், விலையில் சரிவு ஏற்பட்டுள்ளது. கடந்த வாரம் வரை 15 ரூபாய்க்கு விற்ற ஒரு கிலோ பெல்லாரி வெங்காயம், இந்த வாரம் உயர்ரக வெங்காயம் 7.50 ரூபாய்க்கும், இரண்டாம் ரகம் 6.50 ரூபாய்க்கும் விற்பனையாகிறது.காந்தி மார்க்கெட் வியாபாரி வடிவேல் கூறுகையில், " இன்னும் ஒரு மாதத்திற்கு பெல்லாரி வெங்காயம் வரத்து சீராக இருக்கும். இனி, விலை குறைய வாய்ப்பில்லை. வரத்து குறைந்தால், விலையில் மாற்றம் ஏற்படும். அதுவரை இதே விலை நீடிக்கும்' என்றார்.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|