மும்பை:ரிலையன்ஸ் இண்டஸ்ட்ரீஸ் நிறுவனம், பெட்ரோலிய ரசாயனங்கள், எண்ணெய் மற்றும் எரிவாயு, தொலைதொடர்பு மற்றும் புதிய வர்த்தகங்களில், 1 லட்சம் கோடி ரூபாய் முதலீடு செய்ய உள்ளதாக அறிவித்துள்ளது.இந்நிறுவனத்தின், 38வது ஆண்டு பங்குதாரர்கள் கூட்டம் மும்பையில் நடைபெற்றது.
இதில், நிறுவனத்தின் தலைவர் முகேஷ் அம்பானி கலந்து கொண்டு பேசியதாவது:அடுத்த இரண்டு அல்லது மூன்றுஆண்டுகளில் பெட்ரோலிய ரசாயன பொருட்கள் மற்றும் சுத்திகரிப்பு துறையில் புதிய திட்டங்கள் மேற்கொள்ளப்படும். அடுத்த மூன்று ஆண்டுகளில், நிறுவனத்தின் சில்லரை விற்பனை பிரிவு, குறிப்பிடத்தக்க அளவிற்கு, லாபம் ஈட்டும் பிரிவாக உருவாகும். சுத்திகரிப்பு துறை, நிறுவனத்தின் லாப வரம்பில், 30-40 சதவீத பங்களிப்பை கொண்டிருக்கும்.4ஜி தொழில்நுட்பத்திலான தொலைதொடர்பு சேவையை வர்த்தக ரீதியில் துவங்குவதற்கான பணிகள் முடியும் நிலையில் உள்ளன. நாடு முழுவதும் டிஜிட்டல் சேவையை வழங்க உள்ளோம்.
அடுத்த ஐந்து ஆண்டுகளில், நிறுவனத்தின் எரிவாயு உற்பத்தி 3,000 கன அடியில் இருந்து, 10 மடங்கு உயரும்.பல்வேறு திட்டங்களுக்காக, 1 லட்சம் கோடி ரூபாய் முதலீடு செய்த பிறகும், நிறுவனத்தின் நிதி நிலை, இந்தியாவில் மட்டுமின்றி, உலகளவில் வலுவானதாக விளங்கும். நிறுவனத்தின் செயல்பாட்டு லாபம், அடுத்த நான்கு அல்லது ஐந்தாண்டுகளில் இரு மடங்காக உயரும்.இந்தியா தற்போது சந்தித்து வரும் பொருளாதார நெருக்கடி தற்காலிகமானது. நம் நாடு எத்தகைய இடர்பாட்டையும் சுலபமாக சமாளித்து, வலிமை மிக்கதாக உருவாகும் என்ற நம்பிக்கை உள்ளது. இவ்வாறு முகேஷ் அம்பானி தெரிவித்தார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 08,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 08,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 08,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 08,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 08,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்